ಮಂಜೇಶ್ವರ ನ : ಇಲ್ಲಿನ ಉಪ್ಪಳದ ಬಪ್ಪಾಯಿ ತೊಟ್ಟಿಯ ಅಬ್ದುಲ್ ಅಝೀಝ್ ಎಂಬವರ ಮನೆಗೆ ನುಗ್ಗಿದ ಕಳ್ಳರು ನಗ,ನಗದು ಕಳವುಗೈದ ಘಟನೆ ನ ೧೨ ಭಾನುವಾರ ನಡೆದಿದೆ. ಮನೆಯ ಅಡುಗೆ ಕೋಣೆಯ ಬಾಗಿಲು ಮುರಿದು ಮನೆಯ ಒಳನುಗ್ಗಿದ ಕಳ್ಳರು 5 ಪವನ್ ಚಿನ್ನಾಭರಣ ಹಾಗೂ 6000 ನಗದನ್ನು ದೋಚಿದ್ದಾರೆ.ಮನೆ ಮಾಲೀಕರು 2 ದಿನಗಳ ಹಿಂದೆ ಪಡುಬಿದ್ರೆಯಲ್ಲಿರುವ ಸಂಬಂಧಿಕರ ಮನೆಗೆ ಮದುವೆ ಸಮಾರಂಭಕ್ಕೆ ತೆರಳಿದ್ದರು. ಭಾನುವಾರ ಮನೆಗೆ ಹಿಂತಿರುಗಿದಾಗ ಮನೆಯ ಅಡುಗೆ ಬಾಗಿಲು ಮುರಿದ ಸ್ಥಿತಿಯಲ್ಲಿ ಕಂಡುಬಂದಿದ್ದು ಮನೆಯೊಳಗೆ ನೋಡಿದಾಗ ಕೋಣೆಯಲ್ಲಿರುವ ಕಪಾಟು ಮುರಿದ ಸ್ಥಿತಿಯಲ್ಲಿ ಕಂಡುಬಂದಿದೆ.
ಮಂಜೇಶ್ವರ ಠಾಣಾಧಿಕಾರಿ ಅನೂಪ್ ಕುಮಾರ್ ನೇತೃತ್ವದ ಪೊಲೀಸ್ ತಂಡ ಹಾಗೂ ಬೆರಳಚ್ಚು ತಜ್ಞರ ತಂಡ ಮನೆಗೆ ಭೇಟಿ ನೀಡಿ ಮಾಹಿತಿ ಸಂಗ್ರಹಿಸಿದೆ.
ಚಾನಲ್ ಫಾಲೋ ಮಾಡಿ
