ಕಾಸರಗೋಡು: ಜಿಲ್ಲಾ ನೂತನ ಪೊಲೀಸ್ ವರಿಷ್ಠಾಧಿಕಾರಿಯಾಗಿ ಪಿ. ಬಿಜೋಯ್ ನೇಮಕ

•   Sat, Nov 11 2023 07:38:54 PM



• ಕಾಸರಗೋಡು, ನ 11 (DaijiworldNews/HR): ಜಿಲ್ಲಾ ನೂತನ ಪೊಲೀಸ್ ವರಿಷ್ಠಾಧಿಕಾರಿಯಾಗಿ ಪಿ. ಬಿಜೋಯ್ ಅವರನ್ನು ನೇಮಿಸಲಾಗಿದೆ.

  ಪೊಲೀಸ್ ವರಿಷ್ಠಾಧಿಕಾರಿಯಾಗಿದ್ದ ಡಾ.ವೈಭವ್ ಸಕ್ಸೇನಾ ಅವರನ್ನು ಎರ್ನಾಕುಲಂಗೆ ವರ್ಗಾಹಿಸಲಾಗಿದೆ. ಬಿಜೋಯ್ 1996ರಲ್ಲಿ ಮಂಜೇಶ್ವರ ಠಾಣಾ ಸಬ್ ಇನ್ಸ್ ಪೆಕ್ಟರ್ ಆಗಿ, 2010ರಲ್ಲಿ ಕಾಸರಗೋಡು ಡಿವೈಎಸ್ಪಿಯಾಗಿ ಸೇವೆ ಸಲ್ಲಿಸಿದ್ದರು. ತಿರುವನಂಪುರ ನಗರ ಪೊಲೀಸ್ ಸಹಾಯಕ ಆಯುಕ್ತ, ಎರ್ನಾಕುಲಂ ವಿಜಿಲೆನ್ಸ್ ಮುಖ್ಯಸ್ಥ, ಸೇರಿದಂತೆ ಹಲವೆಡೆ ಸೇವೆ ಸಲ್ಲಿಸಿದ್ದಾರೆ.

  2015ರಲ್ಲಿ ಮುಖ್ಯ ಮಂತ್ರಿಯವರ ಪೊಲೀಸ್ ಪದಕ, 2018ರಲ್ಲಿ ರಾಷ್ಟ್ರ ಪತಿ ಯವರ ಪೊಲೀಸ್ ಪದಕ ಪಡೆದಿದ್ದರು. ತಿರುವನಂತಪುರ ಸ್ಪೆಷಲ್ ಬ್ರಾಂಚ್ ಪೊಲೀಸ್ ಮುಖ್ಯಸ್ಥರಾಗಿ ಸೇವೆ ಸಲ್ಲಿಸುತ್ತಿದ್ದು, ಪ್ರಸ್ತುತ ಕಾಸರಗೋಡು ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಯಾಗಿ ನಿಯುಕ್ತಿ ಗೊಳಿಸಲಾಗಿದೆ.