ಶಿರ್ವ: ಸಾರ್ವಜನಿಕ ಸ್ಥಳದಲ್ಲಿ ಮಾದಕ ವಸ್ತು ಸೇವನೆ - ಇಬ್ಬರ ವಿರುದ್ದ ಪ್ರಕರಣ ದಾಖಲು

•   Sun, Nov 19 2023 09:10:39 AM



• ಶಿರ್ವ, ನ 19 (DaijiworldNews/HR): ಸಾರ್ವಜನಿಕ ಸ್ಥಳದಲ್ಲಿ ಮಾದಕ ವಸ್ತು ಸೇವಿಸುತ್ತಿದ್ದ ಇಬ್ಬರನ್ನು ಶಿರ್ವ ಪೋಲಿಸರು ಬಂಧಿಸಿರುವ ಘಟನೆ ನಡೆದಿದೆ.

  ಪ್ರಾಂಕ್ಲಿನ್ ಮಿನೇಜಸ್‌ (28) ಮತ್ತು‌ ಶೇಕ್‌ ಮೊಹಮ್ಮದ್‌ ಫರಾನ್‌ (30) ಬಂಧಿತರು.

  ಸಕ್ತಿವೇಲು ಇ. ಪೊಲೀಸ್ ಉಪ ನಿರೀಕ್ಷಕರು, ಶಿರ್ವ ಪೊಲೀಸ್ ಠಾಣೆ ಇವರು ನವೆಂಬರ್ 13 ರಂದು ರಾತ್ರಿ ರೌಂಡ್ಸ್‌ ಕರ್ತವ್ಯದಲ್ಲಿರುತ್ತಾ ಮುಂಜಾನೆ 03:30 ಗಂಟೆಗೆ ಕಾಪು ತಾಲೂಕು ಶಿರ್ವ ಗ್ರಾಮದ ಸ್ಯಾಮ್‌ಸ್ಕ್ವಾರ್‌ ಕಟ್ಟಡದ ಬಳಿ ತಲುಪುವಾಗ ಆಪಾದಿತ ಗ್ಲೇನ್‌ ಪ್ರಾಂಕ್ಲಿನ್ ಮಿನೇಜಸ್‌ (28) ಮತ್ತು ಶೇಕ್‌ ಮೊಹಮ್ಮದ್‌ ಫರಾನ್‌ (30) ಇಬ್ಬರು ಇದ್ದು ಇವರು ಮೇಲ್ನೋಟಕ್ಕೆ ಯಾವುದೋ ಮಾದಕ ವಸ್ತುವನ್ನು ಸೇವನೆ ಮಾಡಿರುವುದು ಕಂಡು ಬಂದಿದ್ದು ವಿಚಾರಿಸಿದಾಗ ಅವರಿಬ್ಬರು ಸಿಗರೇಟ್‌ನಲ್ಲಿ ಗಾಂಜಾ ತುಂಬಿಸಿ ಸೇದಿರುವುದಾಗಿ ತಿಳಿಸಿದ್ದರಿಂದ ಇಬ್ಬರನ್ನು ವೈದ್ಯಕೀಯ ಪರೀಕ್ಷೆಗೆ ಒಳಪಡಿಸಿದ್ದಲ್ಲಿ ಆಪಾದಿತರಿಬ್ಬರು ಗಾಂಜಾ ಮಾದಕ ವಸ್ತು ಸೇವನೆ ಮಾಡಿದ ಬಗ್ಗೆ ವೈದ್ಯಕೀಯ ದೃಡಪತ್ರ ಬಂದಿದೆ.

  ಈ ಬಗ್ಗೆ ಶಿರ್ವ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.