ರೈಲು ಡಿಕ್ಕಿ ಹೊಡೆದು ಯುವಕ ಸ್ಥಳದಲ್ಲೇ ಮೃತ್ಯು

•   Tue, Dec 12 2023 09:55:53 PM



• ಬ್ರಹ್ಮಾವರ, ಡಿ 12 (DaijiworldNews/AA): ರೈಲು ಡಿಕ್ಕಿ ಹೊಡೆದ ಪರಿಣಾಮ ವ್ಯಕ್ತಿಯೋರ್ವರು ಮೃತಪಟ್ಟ ಘಟನೆ ಬ್ರಹ್ಮಾವರ ಪೊಲೀಸ್ ಠಾಣ ವ್ಯಾಪಿಯಲ್ಲಿ ಡಿ. 11 ರಂದು ನಡೆದಿದೆ.

  

  ಮೃತ ವ್ಯಕ್ತಿಯನ್ನು ಹೆರಂಜೆ ನಿವಾಸಿ ಜಗದೀಶ (40) ಎಂದು ಗುರುತಿಸಲಾಗಿದೆ.

  ಕೊಳಲಗಿರಿ ಎಂಬಲ್ಲಿ ಮರದ ಕೆಲಸ ಮಾಡಿಕೊಂಡಿದ್ದ ಜಗದೀಶ ಅವರು, ಕೆಲಸ ಮುಗಿಸಿ ಮನೆಗೆ ರೈಲ್ವೆ ಹಳಿಯಲ್ಲಿ ನಡೆದುಕೊಂಡು ಹೋಗುತ್ತಿದ್ದರು. ಈ ಸಂದರ್ಭ ರೈಲೊಂದು ಆಕಸ್ಮಿಕವಾಗಿ ಡಿಕ್ಕಿ ಹೊಡೆದಿದೆ. ಪರಿಣಾಮ ಜಗದೀಶ್ ಅವರಿಗೆ ಗಂಭೀರ ಗಾಯವಾಗಿದ್ದು, ಸ್ಥಳದಲ್ಲೇ ಮೃತಪಟ್ಟಿದ್ದಾರೆ ಎನ್ನಲಾಗಿದೆ.

  ಈ ಬಗ್ಗೆ ಬ್ರಹ್ಮಾವರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.