ದ.ಕ. ಲೋಕಸಭಾ ಕ್ಷೇತ್ರದಲ್ಲಿ ಈ ಬಾರಿ ದಾಖಲೆಯ ಮತದಾನ

•   Thu, Apr 18 2019 07:59:51 PM



• ಮಂಗಳೂರು, ಏ 18(Daijiworld News/SM): ಲೋಕಸಭೆಗೆ ಏಪ್ರಿಲ್ 18ರ ಗುರುವಾರ ರಾಜ್ಯದಲ್ಲಿ ಬಹುತೇಕ ಶಾಂತಿಯುತ ಮತದಾನ ನಡೆದಿದೆ. ಜಿಲ್ಲೆಯಲ್ಲಿ ಈ ಬಾರಿ ದಾಖಲೆಯ ಮತದಾನ ನಡೆದಿದೆ.

  

  ಈ ದಿನದ ಅಂತ್ಯಕ್ಕೆ ಸದ್ಯದ ಮಾಹಿತಿ ಪ್ರಕಾರ 77.70 ಶೇಕಡಾ ಮತದಾನ ನಡೆದಿದೆ. ಜಿಲ್ಲೆಯಲ್ಲಿ ಬೆಳಗ್ಗಿನಿಂದಲೇ ಸಾಧಾರಣ ಗತಿಯಲ್ಲಿ ಮತದಾನ ನಡೆದಿತ್ತು. ಮಂಗಳೂರು ಉತ್ತರ ಹಾಗೂ ದಕ್ಷಿಣ ಕ್ಷೇತ್ರಗಳಲ್ಲಿ ನಿಧಾನ ಗತಿಯಲ್ಲಿ ಮತದಾನ ನಡೆದಿತ್ತು. ದಿನದಂತ್ಯಕ್ಕೆ ಜಿಲ್ಲೆಯಲ್ಲಿ 77.70 ಶೇಕಡಾ ಮತದಾನವಾಗಿದ್ದು, ಈ ಬಾರಿಯ ಮತ ಚಲಾವಣೆ ದಾಖಲೆಯಾಗಿದೆ.

  ಇನ್ನು 2014ರಲ್ಲಿ ನಡೆದಿದ್ದ ಲೋಕ ಸಮರದಲ್ಲಿ ಸುಮಾರು ಶೇಕಡಾ 77.17 ಮತದಾನ ನಡೆದಿತ್ತು. ಕಳೆದ ಬಾರಿಗಿಂತ ಈ ಬಾರಿ ಹೆಚ್ಚಿನ ಮತ ಚಲಾವಣೆಗೊಂಡಿದೆ.

  ಸದ್ಯದ ಮಾಹಿತಿ ಪ್ರಕಾರ ದ.ಕ. ಲೋಕಸಭಾ ಕ್ಷೇತ್ರ ವ್ಯಾಪ್ತಿಯ ವಿಧಾನಸಭಾ ಕ್ಷೇತ್ರದಲ್ಲಿ 2019ರ ಚುನಾವಣೆಗೆ ನಡೆದ ಶೇಕಡಾವಾರು ಮತದಾನ:
  1. ಸುಳ್ಯ- 84.16%
  2. ಬೆಳ್ತಂಗಡಿ - 80.92%
  3. ಪುತ್ತೂರು - 82.30%
  4. ಬಂಟ್ವಾಳ - 80.31%
  5. ಮಂಗಳೂರು - 75.49%
  6. ಮಂಗಳೂರು ಉತ್ತರ - 75.86%
  7. ಮೂಡುಬಿದಿರೆ - 75.96%
  8. ಮಂಗಳೂರು ದಕ್ಷಿಣ - 69.46%