ಬೆಳ್ತಂಗಡಿ: ಪತ್ನಿ, ಪುತ್ರಿಗೆ ಮಾರಣಾಂತಿಕ ಹಲ್ಲೆ, ಹೆಂಡತಿ ಕಣ್ಣು ಕಿತ್ತ ಪತಿ

•   Tue, Dec 19 2023 05:26:04 PM



• ಬೆಳ್ತಂಗಡಿ, ಡಿ 19 (DaijiworldNews/AK): ಕುಡಿದ ಅಮಲಿನಲ್ಲಿ ಪತ್ನಿ ಹಾಗೂ ಮಗಳ ಮೇಲೆ ಪತಿ ಮಾರಣಾಂತಿಕ ಹಲ್ಲೆ ನಡೆಸಿದ ಘಟನೆ ಡಿ. 18 ರಂದು ತಡರಾತ್ರಿ ಶಿಶಿಲದಲ್ಲಿ ನಡೆದಿದೆ.

  ಶಿಶಿರ ಗ್ರಾಮ ಕೋಟೆ ಬಾಗಿಲು ನಿವಾಸಿ ಸುರೇಶ್‌ ಗೌಡ(55) ಎಂದು ಗುರುತಿಸಲಾಗಿದೆ. ತನ್ನ ಪತ್ನಿ ಮಗಳಿಗೆ ಮಾರಣಾಂತಿಕ ಹಲ್ಲೆ ಮಾಡಿ,  ತೀವ್ರ ಗಾಯಗೊಳಿಸಿದ್ದಾನೆ. 
  ಗಾಯಗೊಂಡ ಇಬ್ಬರನ್ನು ಉಜಿರೆ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಮೂಲತಃ ಹಾವೇರಿ ನಿವಾಸಿಯಾದ ಸುರೇಶ್‌ ಸುಮಾರು22 ವರ್ಷದ ಹಿಂದೆ ಮೋಹಿನಿ ಎಂಬಾಕೆಯನ್ನು ಮದುವೆ ಆಗಿದ್ದು, ಈ ದಂಪತಿಗಳಿಗೆ 19 ವರ್ಷ ಮಗಳಿದ್ದಾಳೆ.

  ಪತಿ ಕುಡಿದ ಅಮಲಿನಲ್ಲಿ ಪತ್ನಿಯ ಜೊತೆ ಮಾತಿನ ಚಕಮಕಿ ನಡೆದು ಪತ್ನಿಯ ಮುಖಕ್ಕೆ ಹಾಗೂ ಕಣ್ಣಿಗೆ ಕಚ್ಚಿ ಗಾಯಗೊಳಿಸಿದ್ದು ಅಲ್ಲದೇ ಕೋಲಿನಲ್ಲಿ ಹೊಡೆದು ಎಡ ಭಾಗದ ಕಣ್ಣನ್ನು ಹಾನಿಪಡಿಸಲಾಗಿದೆ ಎಂದು ಆರೋಪಿಸಲಾಗಿದೆ. ಅಲ್ಲದೇ ಮಗಳು ಪೂಜಾಗೆ ತಲೆಗೆ ಹಾಗೂ ಕಣ್ಣಿಗೆ ಹೊಡೆದು ಪ್ರಾಣಭಯದಿಂದ ಪಾರಾಗಿದ್ದಾರೆ.

  ಬಳಿಕ ಮಗಳು ನೆರೆ ಮನೆಗೆ ಹೋಗಿ ವಿಷಯ ತಿಳಿಸಿದಾಗ ಸ್ಥಳಕ್ಕೆ ಪೊಲೀಸರು ಅಗಮಿಸಿ ಗಾಯಗೊಂಡ ತಾಯಿ, ಮಗಳನ್ನು ಖಾಸಗಿ ಅಸ್ಪತ್ರೆಗೆ  ಸೇರಿಸಲಾಯಿತು. ಹಲ್ಲೆ ನಡೆಸಿದ ನಂತರ ಆರೋಪಿ ಸುರೇಶ್‌ ತಲೆಮರೆಸಿಕೊಂಡಿದ್ದು, ಧರ್ಮಸ್ಥಳ ಪೊಲೀಸರು ಹುಡುಕಾಟ ನಡೆಸಿ ಬಂಧಿಸಿದ್ದಾರೆ. ಘಟನೆ ಬಗ್ಗೆ ತಾಯಿ ಹಾಗೂ ಮಗಳಿಂದ ಹೇಳಿಕೆ ಪಡೆದು ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ.