ಮೂಡುಬಿದಿರೆ: 'ಹೀಗೂ ಮತಚಲಾಯಿಸಿದ ಡ್ರೈವರ್' - ವೀಡಿಯೋ ವೈರಲ್

•   Fri, Apr 19 2019 01:32:35 PM



• ಮೂಡುಬಿದಿರೆ,ಏ 19(Daijiworld News/MSP): ಕರ್ತವ್ಯ ನಡುವೆಯೂ ಬಸ್ ನಿಲ್ಲಿಸಿ ಮತಚಲಾಯಿಸಿದ ಬಸ್ಸು ಚಾಲಕನ ವಿಡಿಯೋ ಒಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದೆ. ಮೂಡುಬಿದಿರೆ ತಾಲೂಕಿನ ಬೆಳುವಾಯಿ ಗ್ರಾಮದಲ್ಲಿ ಗುರುವಾರ ನಡೆದಿದ್ದ ಮತದಾನದಲ್ಲಿ ಪಾಲ್ಗೊಂಡಿದ್ದ ಬಸ್ಸು ಚಾಲಕ ವಿಜಯ್ ಶೆಟ್ಟಿ ಅವರು ಪ್ರಯಾಣಿಕರಿರುವ ಬಸ್ಸನ್ನು ಚಲಾಯಿಸುತ್ತಾ ತಮ್ಮ ಮತದಾನ ಕೇಂದ್ರದ ಬಳಿ ಬಂದಾಗ ಬಸ್ಸು ನಿಲ್ಲಿಸಿ ಓಡೋಡಿ ಹೋಗಿ ಮತ ಚಲಾಯಿಸಿದ್ದಾರೆ.

  

  ಮೂಡುಬಿದಿರೆ ನಿವಾಸಿ ವಿಜಯ್ ಶೆಟ್ಟಿ ಅವರು ಮಂಗಳೂರು- ಶಿವಮೊಗ್ಗ ಬಸ್ಸು ಚಾಲಕರಾಗಿದ್ದಾರೆ. ಇವರು ತಮ್ಮ ಮತದಾನದ ಕೇಂದ್ರ ಬೆಳುವಾಯಿ ಬಳಿ ಬರುತ್ತಿದ್ದಂತೆ ಬಸ್ಸು ನಿಲ್ಲಿಸಿ ಓಡೋಡಿ ಬಂದು ಮತ ಚಲಾಯಿಸಿ ಬಳಿಕ ಓಡೋಡಿಯೇ ಮತ್ತೆ ಕರ್ತವ್ಯಕ್ಕೆ ಹಾಜರಾದರು. ಇದೆಲ್ಲವನ್ನು ನೋಡುತ್ತಿದ್ದ ಪೊಲೀಸ್ ಪೇದೆ ಕ್ಷಣ ಕಾಲ ಕಕ್ಕಾಬಿಕ್ಕಿಯಾಗಿದ್ದಾರೆ.

  ಈ ವಿಡೀಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದೆ.