ಮಂಗಳೂರು :ವಿಭಿನ್ನ ಸಮುದಾಯದ ಯುವಕ,ಯುವತಿಗೆ ಹಲ್ಲೆ ಆರೋಪ:ಮೂವರ ಬಂಧನ

•   Sat, Dec 23 2023 12:52:47 PM



• ಮಂಗಳೂರು,ಡಿ23(daijiworldNews/RA):ಜೊತೆಯಾಗಿ ತೆರಳುತ್ತಿದ್ದ ವಿಭಿನ್ನ ಸಮುದಾಯದ ಯುವಕ - ಯುವತಿಯನ್ನು ತಡೆದು ಪ್ರಶ್ನಿಸಿದ ಘಟನೆಗೆ ಸಂಬಂಧಪಟ್ಟಂತೆ ಮೂವರನ್ನು ಬಂಧಿಸಲಾಗಿದೆ.

  ಬಂಧಿತರನ್ನು ಬಂಟ್ವಾಳ ನಿವಾಸಿ ಸಂದೇಶ್ (28), ಆತನ ಸಹಚರರಾದ ಪ್ರಶಾಂತ್ (31) ಮತ್ತು ರೋನಿತ್ (31 ವರ್ಷ) ಎಂದು ಗುರುತಿಸಲಾಗಿದೆ.

  ಹಂಪನಕಟ್ಟೆಯ ಬಳಿ ಡಿಸೆಂಬರ್.21 ರಂದು ಶಾಪ್ ಒಂದರ ಬಳಿ ಇಬ್ಬರು ಜೊತೆಯಾಗಿರುವುದನ್ನು ಈ ಮೂವರು ತಡೆದು ಪ್ರಶ್ನಿಸಿದ್ದರು ನಂತರ ಇಬ್ಬರು ಆಟೋ ರಿಕ್ಷಾವೊಂದನ್ನು ಹತ್ತಿ ಅಲ್ಲಿಂದ ತೆರಳಲು ಯತ್ನಿಸಿದ್ದಾರೆ. ಹಾಗೆಯೇ ಹೋಗುತ್ತಿದ್ದಾಗ ಆಟೋ ನಿಲ್ಲಿಸಲು ಯತ್ನಿಸಿದ ವ್ಯಕ್ತಿ ಆಟೋ ಚಾಲಕನಿಗೂ ಗದರಿಸಿದ್ದಾನೆ. ಈ ಘಟನೆಯ ವಿಡಿಯೋ ವೈರಲ್ ಆಗಿತ್ತು.

  ಆಟೋ ಚಾಲಕನ ದೂರಿನ ಮೇರೆಗೆ ಉತ್ತರ ಪಿಎಸ್ ಐ ಅಪರಾಧ ಕ್ರಮಾಂಕ 148/2023 ಯು/ಸೆ 341, 504 ಐಪಿಸಿ ಯಂತೆ ಪ್ರಕರಣ ದಾಖಲಿಸಿಕೊಳ್ಳಲಾಗಿದ್ದು, , ತನಿಖೆ ಮುಂದುವರೆದಿದೆ.