ಕಾಸರಗೋಡು: ಗಾಂಜಾ ಮಾರಾಟ ಪ್ರಕರಣ- ಓರ್ವನ ಬಂಧನ

•   Mon, Jan 01 2024 07:00:50 PM



• ಕಾಸರಗೋಡು, ಜ.01 (DaijiworldNews/ AK): ಗಾಂಜಾ ಸಹಿತ ಓರ್ವನನ್ನು ಕುಂಬಳೆ ಅಬಕಾರಿ ದಳದ ಸಿಬಂದಿಗಳು ಬಂಧಿಸಿದ್ದಾರೆ. ಉಪ್ಪಳ ಜೋಡುಕಲ್ಲಿನ ಅಬ್ದುಲ್ ಗಫೂರ್ ( 37) ಬಂಧಿತ ಆರೋಪಿ . ಬೇಕೂರು ಸಮೀಪ ತಂಡವೊಂದಕ್ಕೆ ಗಾಂಜಾವನ್ನು ಹಸ್ತಾಂತರಿಸುತ್ತಿದ್ದಾಗ ಲಭಿಸಿದ ಖಚಿತ ಮಾಹಿತಿಯಂತೆ ದಾಳಿ ನಡೆಸಿ ಪೊಲೀಸರು ಗಫೂರ್ ಬಳಿಯಿಂದ ಅರ್ಧ ಕಿಲೋ ಗಾಂಜಾ ವನ್ನು ವಶಪಡಿಸಿಕೊಂಡು ಬಂಧಿಸಲಾಗಿದೆ.

  ಈ ಹಿಂದೆಯೂ ಈತ ಗಾಂಜಾ ಸಾಗಾಟ ಪ್ರಕರಣದಲ್ಲಿ ಆರೋಪಿಯಾಗಿದ್ದ ಎಂದು ಅಬಕಾರಿ ಅಧಿಕಾರಿಗಳು ತಿಳಿಸಿದ್ದಾರೆ.