ಮಂಗಳೂರು: ಪರವಾನಿಗೆ ಪಡೆಯದೇ ಕೇಬಲ್ ಅಳವಡಿಕೆ - ತೆರವಿಗೆ ಸೂಚನೆ

•   Thu, Jan 04 2024 08:27:12 AM



• ಮಂಗಳೂರು, ಜ 04 (DaijiworldNews/MS): ಮಂಗಳೂರು ಮಹಾನಗರಪಾಲಿಕಾ ವ್ಯಾಪ್ತಿಯ ರಸ್ತೆಯ ಬದಿಯಲ್ಲಿ ಹಾಗೂ ವಿದ್ಯುತ್ ಕಂಬಗಳಲ್ಲಿ ಪರವಾನಿಗೆ ಪಡೆಯದೇ ಕೇಬಲ್ ಅಳವಡಿಸಿದ್ದರೆ ಕೂಡಲೇ ಕೇಬಲ್‍ಗಳನ್ನು ತೆರವುಗೊಳಿಸಲು ಸೂಚಿಸಲಾಗಿದೆ.

  ಮಹಾನಗರಪಾಲಿಕೆಯ ಅನುಮತಿ ಪಡೆದು ಕೇಬಲ್‍ಗಳನ್ನು ಅಳವಡಿಸಿಕೊಂಡಿದ್ದರೆ ಕೂಡಲೇ ಉಪಆಯುಕ್ತರು ಕಂದಾಯ ಅಥವಾ ಕಂದಾಯ ಅಧಿಕಾರಿ ಅವರಿಗೆ ಪರವಾನಿಗೆಯನ್ನು ಪರಿಶೀಲನೆಗೆ ನೀಡಬೇಕು. ಮಹಾನಗರಪಾಲಿಕೆಯ ರಸ್ತೆಯ ಬದಿಯಲ್ಲಿ ಮಣ್ಣಿನ ಒಳಗೆ ಕೇಬಲ್‍ಗಳನ್ನು ಅನುಮತಿ ಪಡೆಯದೇ ಅಳವಡಿಸಿಕೊಂಡಿದ್ದರೆ ನಿರ್ದಾಕ್ಷಿಣ್ಯವಾಗಿ ತೆಗೆದು ಹಾಕಲಾಗುವುದು ಹಾಗೂ ದಂಡವನ್ನು ವಿಧಿಸಲಾಗುವುದು ಎಂದು ಮಂಗಳೂರು ಮಹಾನಗರಪಾಲಿಕೆಯ ಉಪಆಯುಕ್ತರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.