ಕುಂದಾಪುರ: ಸಿದ್ದಾಪುರದಲ್ಲಿ ಮತ್ತೆ ಸಿಎಂ ಹೆಚ್ ಡಿಕೆ ಕಾರು ತಪಾಸಣೆ ನಡೆಸಿದ ಅಧಿಕಾರಿಗಳು

•   Sun, Apr 21 2019 09:03:51 PM



• ಕುಂದಾಪುರ, ಏ 21(Daijiworld News/SM): ಕರ್ನಾಟಕದಲ್ಲಿ 2 ನೇ ಹಂತದ ಲೋಕ ಸಮರ ಏಪ್ರಿಲ್ 23ರ ಮಂಗಳವಾರ ನಡೆಯಲಿದೆ. ಶಿವಮೊಗ್ಗ ಲೋಕಸಭಾ ಕ್ಷೇತ್ರಕ್ಕೂ ಕೂಡ ಅದೇ ದಿನ ಮತದಾನ ನಡೆಯಲಿದೆ. ಚುನಾವಣಾ ಪ್ರಚಾರಕ್ಕೆ ತೆರಳಿದ ಸಿಎಂ ಕುಮಾರಸ್ವಾಮಿಯವರ ಕಾರನ್ನು ಚುನಾವಣಾ ಕರ್ತವ್ಯದಲ್ಲಿದ್ದ ಅಧಿಕಾರಿ ತಪಾಸಣೆ ನಡೆಸಿದ್ದಾರೆ.

  

  

  ಸಿದ್ದಾಪುರ ಹೊಸಂಗಡಿ ಚೆಕ್ ಪೊಸ್ಟ್ ಬಳಿ ಮುಖ್ಯ ಮಂತ್ರಿ ಕುಮಾರಸ್ವಾಮಿ ಕಾರನ್ನು ಅಧಿಕಾರಿಗಳು ತಪಾಸಣೆ ನಡೆಸಿದರು. ಶಿವಮೊಗ್ಗ ಲೋಕಸಭಾ ಕ್ಷೇತ್ರದಲ್ಲಿ ಕಾರ್ಯಕ್ರಮ ಮುಗಿಸಿ ಸಿಎಂ ಕುಮಾರಸ್ವಾಮಿ ಕಾಪುವಿಗೆ ಆಗಮಿಸುತ್ತಿದ್ದರು. ಈ ಸಂದರ್ಭದಲ್ಲಿ ಹೊಸಂಗಡಿ ಚೆಕ್ ಪೊಸ್ಟ್ ಬಳಿ ತಪಾಸಣೆ ನಡೆಸಲಾಯಿತು.

  ಲೋಕಸಭಾ ಚುನಾವಣೆ ಹಿನ್ನೆಲೆ ನೀತಿ ಸಂಹಿತೆ ಜಾರಿಯಲ್ಲಿದ್ದು, ಕರ್ತವ್ಯ ನಿರತ ಸಿಬ್ಬಂದಿಗಳು ತಪಾಸಣೆ ನಡೆಸುತ್ತಿದ್ದಾರೆ. ಆದರೆ, ಸಿಎಂ ಕುಮಾರಸ್ವಾಮಿ ಪ್ರಯಾಣ ನಡೆಸುವ ಸಂದರ್ಭ ನಿರಂತರವಾಗಿ ತಪಾಸಣೆಯ ಬಿಸಿ ಎದುರಿಸುತ್ತಿದ್ದಾರೆ.