ಉಡುಪಿ : ಪುತ್ತಿಗೆ ಶ್ರೀ‌ ಜೀವನ‌ ಚಿತ್ರಕ್ಕೆ‌ ಲಿಯಾಕತ್ ಅಲಿ ಕಲಾ ಸ್ಪರ್ಶದ ಚಿತ್ತಾರ!

•   Wed, Jan 17 2024 09:48:37 AM



• ಉಡುಪಿ, ಜ 17 (DaijiworldNews/MS): ಸನ್ಯಾಸದಿಂದ ಪರ್ಯಾಯ ಪೂರ್ವಭಾವಿ ಸಂಚಾರ ತನಕ ಪುತ್ತಿಗೆ ಶ್ರೀಸುಗುಣೇಂದ್ರತೀರ್ಥರ ಜೀವನ ಚಿತ್ರಕ್ಕೆ ಕಲಾವಿದ ಲಿಯಾಕತ್ ಅಲಿ ಕಲಾ‌ ಸ್ಪರ್ಶದ ಚಿತ್ತಾರ ಮೂಡಿಸಿದ್ದಾರೆ.

  ಕುಂಜಿಬೆಟ್ಟಿನ ಕಟ್ಟೆ ಆಚಾರ್ಯ ಮಾರ್ಗದ ಇನಾಯತ್ ಆಟ್೯ ಗ್ಯಾಲರಿಯಲ್ಲಿ ಪುತ್ತಿಗೆ ಶ್ರೀಸುಗುಣೇಂದ್ರತೀರ್ಥರ ಜೀವನ ಚಿತ್ರ‌ಪ್ರದರ್ಶನ ಜ.೧೮ರ ತನಕ ನಡೆಯಲಿದ್ದು‌ ಶ್ರೀಪಾದರು ಮಂಗಳವಾರ ವೀಕ್ಷಿಸಿದರು.

  ಶ್ರೀಗಳಿಗೆ ಗೌರವ ಸಲ್ಲಿಸಿ, ಕಲಾ ವಿದ್ಯಾರ್ಥಿನಿ ರಚಿಸಿದ ರಾಧಾಕೃಷ್ಣರ ಚಿತ್ರವನ್ನು ಅರ್ಪಿಸಲಾಯಿತು. ಕಲಾವಿದ ಲಿಯಾಕತ್ ಅಲಿಯವರಿಗೆ ಶ್ರೀಗಳು ಕೋಟಿ ಗೀತಾ ಲೇಖನ ಯಜ್ಞದ ಪುಸ್ತಕ ನೀಡಿದರು