ಉಡುಪಿ: ಮೋದಿ, ಮೋದಿ ಘೋಷಣೆ ಕೂಗಿ ಬೋಟ್ ಸಮುದ್ರಕ್ಕೆ ಎಳೆದ ಮಲ್ಪೆ ಮೀನುಗಾರರು - ವಿಡಿಯೋ ವೈರಲ್

•   Sat, Apr 27 2019 02:53:25 PM



• ಉಡುಪಿ, ಎ27(Daijiworld News/SS): ಚುನಾವಣೆಯ ಹೊತ್ತಲ್ಲಿ ದೇಶದ ಎಲ್ಲೆಡೆ ಪ್ರಧಾನಿ ನರೇಂದ್ರ ಮೋದಿ ಅವರ ವಿರುದ್ಧ ಪರ ವಿರೋಧ ಚರ್ಚೆಗಳು ನಡೆಯುತ್ತಿದೆ. ಒಂದೆಡೆ ಮೋದಿ ಅವರನ್ನು ಜನ ಕೊಂಡಾಡುತ್ತಿದ್ದರೆ, ಇನ್ನೊಂದೆಡೆ ಮೋದಿ ವಿರುದ್ಧ ಮಾತುಗಳು ಕೂಡ ಕೇಳಿ ಬರುತ್ತಿದೆ.

  

  ದೇಶವ್ಯಾಪಿ ರಾಜಕೀಯ, ಸಭೆ, ಸಮಾರಂಭದಲ್ಲಿ ಮೋದಿ, ಮೋದಿ ಎಂಬ ಕೂಗು ಕೇಳುವುದು ಸಾಮಾನ್ಯ. ಈ ನಡುವೆ ಮಲ್ಪೆಯ ಮೀನುಗಾರರು ತಮ್ಮ ವೃತ್ತಿಯಲ್ಲಿ ತೊಡಗಿಸಿಕೊಂಡಿದ್ದಾಗ ಮೋದಿ ಮೋದಿ ಎಂದು ಘೋಷಣೆ ಕೂಗಿರುವ ವಿಡಿಯೋವೊಂದು ಭಾರೀ ವೈರಲ್ ಆಗಿದೆ.

  ಮೀನುಗಾರರು ಸಮುದ್ರ ತೀರದಲ್ಲಿ ಬೋಟನ್ನು ಸಮುದ್ರಕ್ಕೆ ಎಳೆದೊಯ್ಯುವಾಗ ಮೋದಿ- ಮೋದಿ ಎಂದು ಘೋಷಣೆ ಕೂಗುತ್ತಾ ಬಲು ದೊಡ್ಡ ಬೋಟನ್ನು ಸಮುದ್ರಕ್ಕೆ ಎಳೆದಿದ್ದಾರೆ. ಸುಮಾರು 10-15 ಮೀನುಗಾರರ ತಂಡ ಬೋಟ್ ದಡದಿಂದ ಸಮುದ್ರಕ್ಕೆ ಎಳೆಯುವಾಗ ಮೋದಿ ಮೋದಿ ಎಂದು ಘೋಷಣೆ ಕೂಗಿದ್ದು, ಈ ವಿಡಿಯೋ ಇದೀಗ ಎಲ್ಲರ ಮೊಬೈಲ್‌ಗಳಲ್ಲಿ ಹರಿದಾಡುತ್ತಿದೆ.