ಉಡುಪಿ:ಟ್ವೀಟರ್ ನಲ್ಲಿ ಸಿಎಂ ಕಾಲೆಳೆದ ಶಾಸಕ ರಘುಪತಿ ಭಟ್

•   Mon, Apr 29 2019 08:46:09 PM



• ಉಡುಪಿ,ಏ29(DaijiworldNews/AZM): ಉಡುಪಿಯ ಸಾಯಿರಾಧಾ ಹೆರಿಟೇಜ್ ನಲ್ಲಿ ಪಂಚಕರ್ಮ‌ ಚಿಕಿತ್ಸೆ ಪಡೆಯುತ್ತಿರುವ ಸಿಎಂ ಕುಮಾರಸ್ವಾಮಿ ಅವರು ಈ ಹಿಂದೆ ಕರಾವಳಿ ಜನರಿಗೆ ನೀಡಿದ ಹೇಳಿಕೆಯನ್ನು ನೆನಪಿಸಿ ಶಾಸಕ ರಘುಪತಿ ಭಟ್ ಅವರು ಟ್ವೀಟರ್ ನಲ್ಲಿ ಕಾಲೆಳೆದಿದ್ದಾರೆ.

  

  ಸಿಎಂ ಅವರು ಈ ಹಿಂದೆ ಕರಾವಳಿಗರಿಗೆ ತಿಳುವಳಿಕೆ ಕಡಿಮೆ ಎಂದು ಹೇಳಿದ್ದರು. ಹಾಗೂ ಬಜೆಟ್‌ನಲ್ಲಿ ಕರಾವಳಿಗೆ ತಾರತಮ್ಯ ಮಾಡಿದ್ದರು. ಆದರೆ ತಮಗೆ ವಿಶ್ರಾಂತಿ ಪಡೆಯಲು ಕರಾವಳಿಯೇ ಬೇಕು. ಪೂಜೆ ಮಾಡಲು ಕರಾವಳಿಯ ದೇವಸ್ಥಾನಗಳೇ ಬೇಕು. ಈಗ ಹೇಳಿ ಮುಖ್ಯಮಂತ್ರಿಗಳೇ, ತಿಳುವಳಿಕೆ ಕಡಿಮೆ ಯಾರಿಗೆ? ಎಂದು ಟ್ವೀಟರ್ ನಲ್ಲಿ ಸಿಎಂ ಕುಮಾರಸ್ವಾಮಿಯನ್ನು ಪ್ರಶ್ನಿಸಿದ್ದಾರೆ.