ಮುಂಬೈ: ಹಿರಿಯ ಸಾಹಿತಿ ರೊನಾಲ್ಡ್ ಪಿರೇರಾ ಆಂಜೆಲೋರ್ ವಿಧಿವಶ

•   Sat, Sep 09 2017 10:14:05 AM



• ಮುಂಬೈ, ಸೆ.09: ಹಿರಿಯ ಕೊಂಕಣಿ ಸಾಹಿತಿ ಸಾಹಿತಿ ರೊನಾಲ್ಡ್ ಪಿರೇರಾ ಆಂಜೆಲೋರ್ ಶುಕ್ರವಾರ, ಸೆಪ್ಟಂಬರ್ 8ರಂದು ವಿಧಿವಶರಾದರು.

  ಮಂಗಳೂರಿನ ಆಂಜೆಲೋರ್ ನಲ್ಲಿ ಹುಟ್ಟಿಬೆಳೆದ ರೊನಾಲ್ಡ್ ಪಿರೇರಾ ಅವರು ಹಲವು ವರ್ಷಗಳಿಂದ ಮುಂಬೈಯಲ್ಲಿ ನೆಲೆಸಿದ್ದರು. ಕಳೆದ ಎರಡು ವರ್ಷಗಳಿಂದ ಅವರ ಆರೋಗ್ಯಸ್ಥಿತಿ ಉತ್ತಮವಾಗಿರಲಿಲ್ಲ.

  

  ತಮ್ಮ 45 ವರ್ಷಗಳ ಸಾಹಿತ್ಯ ಜೀವನದಲ್ಲಿ ಪಿರೇರಾ ಅವರು 16 ಕಾದಂಬರಿಗಳು, ಸುಮಾರು 120 ಸಣ್ಣಕತೆಗಳು, 50 ಪದ್ಯಗಳು ಮತ್ತು ವಿವಿಧ ವಿಷಯಗಳ ಮೇಲೆ ಸರಿಸುಮಾರು 600 ಲೇಖನಗಳನ್ನು ಬರೆದಿದ್ದಾರೆ.

  ಅವರು ತಮ್ಮ ಸಾಹಿತ್ಯದಲ್ಲಿ ಸರಳತೆಯ ಕಾರಣದಿಂದ ಜನಜನಿತರಾಗಿದ್ದರು. ಅವರ ಸಾಹಿತ್ಯವನ್ನು ಎಲ್ಲಾ ವರ್ಗದ ಜನರೂ ಓದುತ್ತಿದ್ದರು. ಅವರ ಸಾವಿನಿಂದ ಕೊಂಕಣಿ ಸಾಹಿತ್ಯ ಜಗತ್ತು ಆಘಾತಕ್ಕೊಳಗಾಗಿದೆ.