ಹೆಚ್ ಡಿ ದೇವೇಗೌಡ ಇಂದು ಉಡುಪಿಗೆ

•   Thu, May 09 2019 09:36:30 AM



• ಉಡುಪಿ,ಮೆ09(DaijiworldNews/AZM):ಪಂಚಕರ್ಮ ಚಿಕಿತ್ಸೆ ಪೂರ್ಣಗೊಳಿಸುವ ಸಲುವಾಗಿ ಮಾಜಿ ಪ್ರಧಾನಿ ಹೆಚ್.ಡಿ.ದೇವೇಗೌಡರು ಪುನಃ ಉಡುಪಿಗೆ ಆಗಮಿಸಲಿದ್ದಾರೆ.

  

  ಮಂಗಳೂರು ವಿಮಾನ ನಿಲ್ದಾಣದ ಮೂಲಕ ಉಡುಪಿಗೆ ರಸ್ತೆ ಪ್ರಯಾಣ ಬೆಳೆಸಲಿರುವ ದೇವೇಗೌಡ ಅವರು ಮೂಳೂರಿನ ಖಾಸಗಿ ರೆಸಾರ್ಟ್ ನಲ್ಲಿ ಪಂಚಕರ್ಮ ಚಿಕಿತ್ಸೆ ನಡೆಸಲಿದ್ದಾರೆ. ದೇವೇ ಗೌಡರ ಜೊತೆಗೆ ಪ್ರಕೃತಿ ಚಿಕಿತ್ಸೆ ಪಡೆಯಲು ಪತ್ನಿ ಚನ್ನಮ್ಮನವರು ಕೂಡಾ ಆಗಮಿಸಲಿದ್ದಾರೆ.

  ಪ್ರಕೃತಿ ಚಿಕಿತ್ಸೆಯ ಬಳಿಕ ಉಡುಪಿ ಶ್ರೀಕೃಷ್ಣ ಮಠಕ್ಕೆ ದೇವೇಗೌಡ ಹಾಗೂ ಪತ್ನಿ ಚೆನ್ನಮ್ಮ ಭೇಟಿ ನೀಡುವ ಸಾಧ್ಯತೆ ಇದೆ. ಹಾಗೂ ಮೂಕಾಂಬಿಕಾ ದೇವಸ್ಥಾನದಲ್ಲೂ ಚಂಡಿಕಾಯಾಗ ನಡೆಸುವ ಸಾಧ್ಯತೆ ಇದೆ.