ಮಂಗಳೂರು: ತಣ್ಣೀರುಬಾವಿಯ ಸಮುದ್ರ ದಡದಲ್ಲಿ ನಿಲ್ಲಿಸಿದ್ದ ಬೋಟ್‌ನ ಇಂಜಿನ್ ಕಳವು ಮಾಡಿದ ಕಿಡಿಗೇಡಿಗಳು

•   Fri, May 10 2019 11:04:23 PM



• ಮಂಗಳೂರು, ಮೇ.10(Daijiworld News/SS): ನಗರದ ತಣ್ಣೀರುಬಾವಿ ಬ್ರೇಕ್ ವಾಟರ್ ಬಳಿ ನಿಲ್ಲಿಸಲಾಗಿದ್ದ ಬೋಟ್‌ನ ಇಂಜಿನ್‌ನನ್ನು ಕಿಡಿಗೇಡಿಗಳು ಕಳವು ಮಾಡಿರುವ ಘಟನೆ ಪಣಂಬೂರು ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ನಡೆದಿದೆ. 

  

  ಬೋಟ್‌ನ ಮಾಲಕರು ತಣ್ಣೀರುಬಾವಿ ಬ್ರೇಕ್ ವಾಟರ್ ಬಳಿ ಸಮುದ್ರದ ದಡಕ್ಕೆ ಬಂದು ಬೋಟ್ ನಿಲ್ಲಿಸಿ ಟೀ ಕುಡಿಯಲೆಂದು ಹೋಗಿದ್ದರು. ಟೀ ಕುಡಿದು ಮರಳಿ ಬರುವಾಗ ಬೋಟ್‌ನ ಬಳಿಯಿದ್ದ ಯಮಹ ಇಂಜಿನ್‌ನನ್ನು ಕಿಡಿಗೇಡಿಗಳು ಕಳವು ಮಾಡಿದ್ಧಾರೆ.

  ಈ ಕುರಿತು ಪಣಂಬೂರು ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.