ಕಾಸರಗೋಡು ನ 21: ಬೈಕ್ - ಲಾರಿ ಅಪಘಾತದಲ್ಲಿ ಬಾಗಲಕೋಟೆ ನಿವಾಸಿಯೋರ್ವ ಮೃತಪಟ್ಟು , ಇನ್ನೋರ್ವ ಗಂಭೀರ ಗಾಯಗೊಂಡ ಘಟನೆ ನ 21 ರ ಮಂಗಳವಾರ ಬೆಳಿಗ್ಗೆ ಪೆರಿಯ ಬಸ್ಸು ನಿಲ್ದಾಣ ಬಳಿ ನಡೆದಿದೆ. ಮೃತಪಟ್ಟವರನ್ನು ಬಾಗಲಕೋಟೆಯ ಮುತ್ತು ( 20) ಎಂದು ಗುರುತಿಸಲಾಗಿದೆ. ಜೊತೆಗಿದ್ದ ಹುಬ್ಬಳ್ಳಿಯ ಪರಶು ( 30) ಗಾಯಗೊಂಡಿದ್ದಾರೆ. ಇವರನ್ನು ಕಾಞಂ ಗಾಡ್ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಕೆಂಪು ಕಲ್ಲು ಕೋರೆಯಲ್ಲಿ ಕಾರ್ಮಿಕರಾಗಿರುವ ಇವರು ಬೈಕ್ ನಲ್ಲಿ ತೆರಳುತ್ತಿದ್ದ ನಡುವೆ ಬಸ್ಸು ನಿಲ್ದಾಣ ಪಕ್ಕ ಬೈಕ್ ನಿಲ್ಲಿಸಿದ್ದಾಗ ಕಾಸರಗೋಡು ಕಡೆಯಿಂದ ಅತಿವೇಗದಿಂದ ಬಂದ ಸರಕು ಲಾರಿ ಹರಿದು ಈ ದುರ್ಘಟನೆ ನಡೆದಿದೆ. ಬೈಕನ್ನು ಲಾರಿಯೂ ಮೀಟರ್ ಗಳಷ್ಟು ಎಳೆದುಕೊಂಡು ಹೋಗಿದ್ದು , ಲಾರಿಯಡಿ ಸಿಲುಕಿದ ಬೈಕ್ ನಜ್ಜುಗುಜ್ಜಾಗಿದೆ.
ಮೃತದೇಹವನ್ನು ಕಾಞ್ಂಗಾಡ್ ಜಿಲ್ಲಾಸ್ಪತ್ರೆಯ ಶವಗಾರದಲ್ಲಿರಿಸಲಾಗಿದ್ದು , ಸಂಬಂಧಿಕರು ತಲುಪಿದ ಬಳಿಕ ಮರಣೋತ್ತರ ಪರೀಕ್ಷೆ ನಡೆಸಿ ಬಿಟ್ಟುಕೊಡಲಿದೆ.ಬೇಕಲ ಠಾಣಾ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.
ಚಾನಲ್ ಫಾಲೋ ಮಾಡಿ
