ಮಂಗಳೂರು, ಜು 06(DaijiworldNews/MS): ಉಳಾಯಿಬೆಟ್ಟು ಪೆರ್ಮಂಕಿಯ ಕಾಯರ್‌ಪದವು ನಿವಾಸಿ, ಪಿಡಬ್ಲ್ಯುಡಿ ಗುತ್ತಿಗೆದಾರ ಪದ್ಮನಾಭ ಕೋಟ್ಯಾನ್‌ ಅವರ ಮನೆ ದರೋಡೆ ಹಾಗೂ ಮಾರಣಾಂತಿಕ ಹಲ್ಲೆ ಪ್ರಕರಣಕ್ಕೆ ಸಂಬಂಧಿಸಿದಂತೆ 6ಮಂದಿ ಆರೋಪಿಗಳಿಗೆ ನ್ಯಾಯಾಲಯ ಪೊಲೀಸ್ ಕಸ್ಟಡಿ ನೀಡಿದೆ.
ಪ್ರಕರಣದಲ್ಲಿ ಒಟ್ಟು 10 ಮಂದಿ ಆರೋಪಿಗಳನ್ನು ಬಂಧಿಸಲಾಗಿದ್ದು, ಇವರಲ್ಲಿ ಆರು ಮಂದಿ ಅಂದರೆ ತ್ರಿಶೂರಿನ ನಿವಾಸಿಗಳಾದ ಶಿಜೋ ದೇವಸಿ, ಸತೀಶ್‌ ಬಾಬು, ಶಾಕೀರ್‌ ಹುಸೇನ್‌, ಸಜೀಶ್‌ ಎಂ., ವಿನೋಜ್‌ ಪಿ.ಕೆ., ತಿರುವನಂತಪುರ ಅಯಿನಮೋಡು ನಿವಾಸಿ ಜಾನ್‌ ಬಾಸ್ಕೋಗೆ ಹೆಚ್ಚಿನ ವಿಚಾರಣೆಗೆ 7 ದಿನಗಳ ಕಾಲ ಪೊಲೀಸ್ ಕಸ್ಟಡಿಗೆ ನೀಡಲಾಗಿದೆ.
ಉಪ್ಪಳ ನಿವಾಸಿ ಬಾಲಕೃಷ್ಣ ಶೆಟ್ಟಿ, ಬಂಟ್ವಾಳ ಪರುವಾಯಿಯ ರೇಮಂಡ್‌ ಡಿ ಸೋಜಾ, ನೀರುಮಾರ್ಗ ಬಳಿಯ ರಮೇಶ್‌, ನೀರುಮಾರ್ಗ ಗ್ರಾಮ ಪಂಚಾಯಿತಿ ಸದಸ್ಯ ವಸಂತ್‌ ಕುಮಾರ್‌ ನ್ಯಾಯಾಂಗ ಬಂಧನ ವಿಧಿಸಲಾಗಿದೆ.
ಚಾನಲ್ ಫಾಲೋ ಮಾಡಿ
