ಮಂಗಳೂರು, ಜು.08(DaijiworldNews/AK): ಬ್ಯಾರಿಸ್ ಚೇಂಬರ್ ಆಫ್ ಕಾಮರ್ಸ್ ಅಂಡ್ ಇಂಡಸ್ಟ್ರಿ (ಬಿಸಿಸಿಐ) ವತಿಯಿಂದ ನೂತನವಾಗಿ ಆಯ್ಕೆಯಾದ ಎಂಎಲ್ ಸಿ ಐವನ್ ಡಿಸೋಜಾ ಅವರಿಗೆ ಅಭಿನಂದನಾ ಸಮಾರಂಭವು ಜೂನ್ 6, ಶನಿವಾರದಂದು ಮಂಗಳೂರಿನ ದಿ ಓಶಿಯನ್ ಪರ್ಲ್ ಹೋಟೆಲ್ ನಲ್ಲಿ ನಡೆಯಿತು.
![](https://daijiworld.ap-south-1.linodeobjects.com/Linode/images3/arun_070724_ivan4.jpg)
![](https://daijiworld.ap-south-1.linodeobjects.com/Linode/images3/arun_070724_ivan5.jpg)
![](https://daijiworld.ap-south-1.linodeobjects.com/Linode/images3/arun_070724_ivann1.jpg)
![](https://daijiworld.ap-south-1.linodeobjects.com/Linode/images3/arun_070724_ivann2.jpg)
![](https://daijiworld.ap-south-1.linodeobjects.com/Linode/images3/arun_070724_ivan1.jpg)
ಈ ಸಂದರ್ಭದಲ್ಲಿ ಮಾತನಾಡಿದ ಐವನ್ ಡಿಸೋಜ ಅವರು, ''ಸಮಾಜದ ನ್ಯಾಯಯುತ ಹಕ್ಕು, ಜನರ ದನಿ ಕಾಪಾಡುವುದು ಜನಪ್ರತಿನಿಧಿಗಳ ಆದ್ಯ ಜವಾಬ್ದಾರಿಯಾಗಿದ್ದು, ನಮ್ಮಲ್ಲಿರುವ ಅಧಿಕಾರವನ್ನು ಸಮಾಜಕ್ಕೆ ಬಳಸಬೇಕು ಎಂಬ ನಂಬಿಕೆ ನನ್ನದು. ನಾನು ಎಂಎಲ್ಸಿಯಾಗಿ ಸಮುದಾಯದ ಧ್ವನಿಯಾಗಿದ್ದೇನೆ ಅದಕ್ಕಾಗಿಯೇ ನಾನು ಎರಡನೇ ಬಾರಿಗೆ ಎಂಎಲ್ಸಿಯಾಗಿ ಆಯ್ಕೆಯಾಗಿದ್ದೇನೆ ಎಂದರು.
ಈ ಸಂದರ್ಭದಲ್ಲಿ ಉಪಸ್ಥಿತರಿದ್ದ ಬಿಸಿಸಿಐ ಅಧ್ಯಕ್ಷ ಡಾ.ಎಸ್.ಎಂ.ರಶೀದ್ ಹಾಜಿ ಮಾತನಾಡಿ, ಐವನ್ ಡಿಸೋಜಾ ಅವರು ಸದಾ ಜನರ ಸಮಸ್ಯೆಗಳಿಗೆ ಸ್ಪಂದಿಸುವ ನಾಯಕರಾಗಿದ್ದು, ಸಮುದಾಯದ ಎಲ್ಲಾ ಚಟುವಟಿಕೆಗಳಿಗೆ ಬಿಸಿಸಿಐ ಬೆಂಬಲ ನೀಡುವ ವಿಶ್ವಾಸ ನನಗಿದೆ. ಮುಂಬರುವ ದಿನಗಳಲ್ಲಿ, ಬಿಸಿಸಿಐ ಬೃಹತ್ ಹೂಡಿಕೆ ಮತ್ತು ಕೈಗಾರಿಕಾ ಯೋಜನೆಗಳನ್ನು ಕೈಗೆತ್ತಿಕೊಳ್ಳಲಿದೆ ಮತ್ತು ಬ್ಯಾರಿ ಸಮುದಾಯದ ಅಭಿವೃದ್ಧಿಗೆ ಕೆಲಸ ಮಾಡುತ್ತದೆ ಎಂದರು
ಬಿಸಿಸಿಐ ಕಾರ್ಯಕಾರಿ ಸಮಿತಿ ಸದಸ್ಯ ಮುತಾಝ್ ಅಲಿ ಕೃಷ್ಣಾಪುರ ಸ್ವಾಗತಿಸಿ, ರಫೀಕ್ ಕಾರ್ಯಕ್ರಮ ನಿರೂಪಿಸಿದರು, ಹಫೀಜ್ ಹಸನ್ ಆಶಿಕ್ ಅಬ್ದುಲ್ಲಾ ಖುರಾನ್ ವಂದಿಸಿದರು .ಮೊಹಮ್ಮದ್ ಇಮ್ತಿಯಾಝ್, ಪ್ರಧಾನ ಕಾರ್ಯದರ್ಶಿ; ಖಜಾಂಚಿ ಮನ್ಸೂರ್ ಅಹಮದ್ ಮತ್ತಿತರರು ಉಪಸ್ಥಿತರಿದ್ದರು.