ಉಡುಪಿ, ಜು 25 (DaijiworldNews/ AK): ದಾಯ್ಜಿವಲ್ಡ್ ಟಿ.ವಿ ಯ ಬಹು ನಿರೀಕ್ಷಿತ ಸಂಗೀತ ರಿಯಾಲಿಟಿ ಶೋ “ದಾಯ್ಜಿವಲ್ಡ್ ಸ್ವರ ಸಾಗರ” ಶೀರ್ಷಿಕೆ ಗೀತೆಯನ್ನು ಜುಲೈ 25, 2024 ರಂದು ಗುರುವಾರ ರಾತ್ರಿ 8 ಗಂಟೆಗೆ Daijiworld Udupi YouTube ಚಾನಲ್ನಲ್ಲಿ ಬಿಡುಗಡೆಗೊಳ್ಳಲಿದೆ.
![](https://daijiworld.ap-south-1.linodeobjects.com/Linode/img_tv247/25-07-2024AKUPDUPIDAIJI.jpg)
ದಾಯ್ಜಿವಲ್ಡ್ TV ಮತ್ತು ಕಿಶೂ ಎಂಟರ್ಪ್ರೈಸಸ್ ವಿನ್ಯಾಸಗೊಳಿಸಿದ ಕರಾವಳಿಯ ಟಿವಿ ಇತಿಹಾಸದಲ್ಲಿಯೇ ಉನ್ನತ ದರ್ಜೆಯ ರಿಯಾಲಿಟಿ ಶೋ ಈಗಾಗಲೇ ಆಡಿಷನ್ ಸುತ್ತನ್ನು ಪೂರ್ಣಗೊಳಿಸಿದೆ.ಆ್ಯಂಟನಿ ಪ್ರಕಾಶ್ ಡಿಸೋಜಾ ಬಾರ್ಕೂರು ಶೀರ್ಷಿಕೆ ಗೀತೆಗೆ ಸ್ಪೂರ್ತಿದಾಯಕ ಸಾಹಿತ್ಯವನ್ನು ಬರೆದಿದ್ದಾರೆ. ಖ್ಯಾತ ಸಂಗೀತ ನಿರ್ದೇಶಕ ಸಂಜಯ್ ರೋಡ್ರಿಗಸ್ ಬಿಜೈ ಆಕರ್ಷಕ ರಾಗ ಮತ್ತು ಸಂಗೀತ ಸಂಯೋಜನೆ ಯನ್ನು ನಡೆಸಿದ್ದಾರೆ.
ಪ್ರತಿಭಾವಂತ ಗಾಯಕಿ ಶಿಲ್ಪಾ ಕುಟಿನ್ಹಾ ಅವರು ಶೀರ್ಷಿಕೆ ಗೀತೆಗೆ ಧ್ವನಿ ನೀಡಿದ್ದು, ರೈನಾ ಸಿಕ್ವೇರಾ, ಶರೋನ್ ಡಿ'ಸೋಜಾ, ಕೇತನ್ ಕ್ಯಾಸ್ಟೆಲಿನೋ ಮತ್ತು ನೀಲ್ ಕ್ಯಾಸ್ಮಿತ್ ಡಿ'ಸೋಜಾ ಹಿನ್ನಲೆ ಗಾಯನದಲ್ಲಿ ಸಹಕರಿಸಿದ್ದಾರೆ.ಮಂಗಳೂರಿನ ಡೈಜಿವರ್ಲ್ಡ್ ಆಡಿಯೋ ವಿಷುಯಲ್ ಸ್ಟುಡಿಯೋದಲ್ಲಿ ರೆಕಾರ್ಡಿಂಗ್ ನಡೆದಿದ್ದು, ರೆಕಾರ್ಡಿಂಗ್ ಮತ್ತು ಮಿಕ್ಸಿಂಗ್ ಅನ್ನು ಸಂದೇಶ್ ಬಾಬಣ್ಣ ಮತ್ತು ನೀಲ್ ಡಿಸೋಜಾ ಅವರು ಪರಿಣಿತವಾಗಿ ನಿರ್ವಹಿಸಿದ್ದಾರೆ.
ಈ ಹಿಂದೆ ನಡೆದ ದಾಯ್ಜಿವಲ್ಡ್ ಸ್ವರ ಸಾಗರದ ಗ್ರ್ಯಾಂಡ್ ಆಡಿಷನ್ ರೌಂಡ್ನಲ್ಲಿ ದಾಯ್ಜಿವಲ್ಡ್ ಮಾಧ್ಯಮದ ಸಂಸ್ಥಾಪಕ ವಾಲ್ಟರ್ ನಂದಳಿಕೆ ಅವರು ಈ ಹಾಡನ್ನು ಬಿಡುಗಡೆ ಮಾಡಿದರು. ಶೀರ್ಷಿಕೆ ಗೀತೆಯ ಪೂರ್ಣ ಆವೃತ್ತಿ ಇಂದು ಬಿಡುಗಡೆಯಾಗಲಿದೆ.
ದಾಯ್ಜಿವಲ್ಡ್ ಸ್ವರ ಸಾಗರ ಕಾರ್ಯಕ್ರಮವು ಆಗಸ್ಟ್ ತಿಂಗಳಿನಿಂದ Daijiworld 24/7 ವಾಹಿನಿಯಲ್ಲಿ ಪ್ರಸಾರವಾಗಲಿದೆ. ಇದು Daijiworld Udupi YouTube ಚಾನೆಲ್ ಮತ್ತು ಇತರ ಎಲ್ಲಾ ಪ್ರಮುಖ ಸಾಮಾಜಿಕ ಮಾಧ್ಯಮ ಗಳಲ್ಲಿಯೂ ಸಹ ಲಭ್ಯವಿರುತ್ತದೆ.
ಹೆಚ್ಚಿನ ವಿವರಗಳಿಗಾಗಿ Daijiworld Udupi YouTube ಗೆ ಚಂದಾದಾರರಾಗಿ: