ಕಲ್ಲಡ್ಕ, ನ 25: ಬಾಲಕನೋರ್ವ ಕೆರೆಗೆ ಬಿದ್ದು ಮೃತಪಟ್ಟ ದಾರುಣ ಘಟನೆ ಕಲ್ಲಡ್ಕ ಸಮೀಪದ ಉಮಾಶಿವ ಕ್ಷೇತ್ರದ ದೇವಾಲಯದ ಸಮೀಪ ನಡೆದಿದೆ.
ನೇರಳಕಟ್ಟೆ ಭಗವತಿ ಕೋಡಿ ನಿವಾಸಿ ಶ್ರೀರಾಮ್ ಮೃತ ದುರ್ದೈವಿ. ಅಜ್ಜನ ಶ್ರಾದ್ಧಕೆಂದು ಬಂದಿದ್ದ ವೇಳೆ ಸ್ನೇಹಿತರೊಂದಿಗೆ ಆಟವಾಡುತ್ತಾ ಕೆರೆ ಬಳಿ ತೆರಳಿದ್ದ ಶ್ರೀರಾಮ್ ಆಯತಪ್ಪಿ ಬಿದ್ದಿದ್ದಾನೆ.
ಕೆರೆಯಿಂದ ಬಾಲಕನನ್ನು ತಕ್ಷಣ ಮೇಲಕ್ಕೆತ್ತಿ ಆಸ್ಪತ್ರೆಗೆ ಸಾಗಿಸಿದರೂ ಯಾವುದೇ ಪ್ರಯೋಜನವಾಗಿಲ್ಲ. ಮೃತ ಬಾಲಕ ಮಾಣಿ ಬಾಲ ವಿಕಾಸ ಆಂಗ್ಲ ಮಾಧ್ಯಮ ಶಾಲೆಯ ಪ್ರತಿಭಾನ್ವಿತ ವಿದ್ಯಾರ್ಥಿಯಾಗಿದ್ದ ಎಂದು ತಿಳಿದುಬಂದಿದೆ. ಬಂಟ್ವಾಳ ನಗರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ
ಚಾನಲ್ ಫಾಲೋ ಮಾಡಿ
