ಉಡುಪಿ: ಕುಣಿಯಲಾರದವ ನೆಲ ಡೊಂಕು ಎಂದಂತಿದೆ ವಿಪಕ್ಷ ಇವಿಎಂ ಆರೋಪ - ಸಂಸದೆ ಶೋಭಾ ವ್ಯಂಗ್ಯ

•   Wed, May 22 2019 12:28:06 PM



• ಉಡುಪಿ,22(DaijiworldNews/AZM):ಮೇಕುಣಿಯೋಕೆ ಬಾರದವ ನೆಲ ಡೊಂಗು ಅಂದಂತೆ, ವಿಪಕ್ಷಗಳಿಗೆ ಗೆಲ್ಲೋದಕ್ಕೆ ಆಗುವುದಿಲ್ಲ. ಈ ಹಿನ್ನಲೆ ವಿವಿಪ್ಯಾಟ್ ಮೇಲೆ ಸಂಶಯ ವ್ಯಕ್ತಪಡಿಸುತ್ತಿದ್ದಾರೆ ಎಂದು ಸಂಸದೆ ಶೋಭಾ ಕರಂದ್ಲಾಜೆ ತಿಳಿಸಿದ್ದಾರೆ.

  

  ಈ ಕುರಿತು ಉಡುಪಿಯಲ್ಲಿ ಮಾಧ್ಯಮದವರೊಂದಿಗೆ ಮಾತನಾಡಿದ ಶೋಭಾ, 2 ಬಾರಿ ಯುಪಿಎ ಸರಕಾರ ಅಧಿಕಾರಕ್ಕೆ ಬಂದಾಗ ವಿವಿ ಪ್ಯಾಟ್ ಕುರಿತು ಯಾರೂ ಆಕ್ಷೇಪ ವ್ಯಕ್ತಪಡಿಸಿಲ್ಲ. ಮತಯಂತ್ರ ದುರ್ಬಲಗೊಂಡಿಲ್ಲ. ನೀವೇ ದುರ್ಬಲರು ಎಂದ ಅವರು ಇವರ ಮನಸ್ಸು ಮಹಾ ಘಟಬಂಧನದಲ್ಲಿ ದುರ್ಬಲವಾಗಿದೆ ಎಂದು ಕಿಡಿಕಾರಿದರು.

  ಇದೇ ಸಂದರ್ಭದಲ್ಲಿ ಎಂಎಲ್ ಎಗಳನ್ನು ಬಿಜೆಪಿಗೆ ಸೆಳೆಯಲ್ಲ. ಪಕ್ಷ ಬಿಟ್ಟ ನಂತರ ಶಾಸಕರನ್ನು ಬಿಜೆಪಿ ಮಾತನಾಡಿಸುತ್ತದೆ ಎಂದ ಅವರು ಬಿಜೆಪಿ ಒಂದು ದೊಡ್ಡ ಸಮುದ್ರ ಯಾರು ಬೇಕಾದ್ರೂ ಬಿಜೆಪಿಗೆ ಬರಬಹುದು ಎಂದು ತಿಳಿಸಿದರು.

  ಇನ್ನು ಸಿಎಂ ವಿರುದ್ಧ ಕಿಡಿಕಾರಿದ ಶೋಭಾ, ಜನಸೇವೆಯೇ ಜನಾರ್ದನನ ಸೇವೆ ಎಂದು ಹಿರಿಯರು ಹೇಳಿದ್ದಾರೆ..ನಾಡಿನ ದೊರೆಯಾದವ ಇದನ್ನು ಪಾಲಿಸಬೇಕು. ಸಿಎಂ ಜನತಾ ಸೇವೆ ಬಿಟ್ಟು ಬಿಟ್ಟಿದ್ದಾರೆ. ಜನಾರ್ದನ- ದೇವರು ಕೈ ಹಿಡಿಯಬಹುದು ಎಂಬುವುದು ಅವರ ನಂಬಿಕೆ ಇರಬಹುದು.ಕರ್ತವ್ಯ ನಿಭಾಯಿಸದವನನ್ನು ದೇವರೂ ಕೈ ಹಿಡಿಯಲ್ಲ.ಇದನ್ನು ಅರಿತು ಕೆಲಸ ಮಾಡಿದರೆ ಅವರಿಗೆ ಒಳ್ಳೆಯದಾಗಬಹುದು ಎಂದು ತಿಳಿಸಿದರು.