ಮಂಗಳೂರು: ಬಿಜೆಪಿ ಕಚೇರಿಯಲ್ಲಿ ಸಂಭ್ರಮಾಚರಣೆಗೆ ಸಿದ್ದತೆ - ಫಲಿತಾಂಶಕ್ಕೂ ಮುನ್ನವೇ ಪಟಾಕಿ ಸಿಡಿಸಿದ ಕಾರ್ಯಕರ್ತರು

•   Thu, May 23 2019 10:40:36 AM



• ಮಂಗಳೂರು, ಮೇ 23 (Daijiworld News/MSP): ನಗರದ ಪಿವಿಎಸ್ ಬಳಿ ಇರುವ ಬಿಜೆಪಿ ಕಚೇರಿಯಲ್ಲಿ ಲೋಕಸಭೆ ಚುನಾವಣೆಯ ಫಲಿತಾಂಶಕ್ಕೂ ಮುನ್ನವೇ ಸಂಭ್ರಮಾಚರಣೆಗೆ ಸಿದ್ದತೆ ಮಾಡಿಕೊಳ್ಳಲಾಗುತ್ತಿದೆ. ಅಭ್ಯರ್ಥಿಯ ಬೆಂಬಲಿಗರು ತಮ್ಮ ನಾಯಕನ ಗೆಲುವಿನ ಸಂಭ್ರಮ ಆಚರಿಸಲು ಸಜ್ಜಾಗಿದ್ದು, ಹಾರ ತುರಾಯಿಗಳ ಜೊತೆ ಸಿಹಿ ತಿನಿಸುಗಳ ಕಚೇರಿಗೆ ಬಂದು ತಲುಪಿದೆ.

  

  

  

  ಇನ್ನು ನಮೋ ಎಗೈನ್ , ಟ್ರಸ್ಟ್ ನಮೋ ಟೀ ಶರ್ಟ್ ಗಳು ಮಾರಾಟಕ್ಕೆ ಇಡಲಾಗಿದೆ. ಇನ್ನು ಬಿಜೆಪಿ ಅಭ್ಯರ್ಥಿ ನಳಿನ್ ಮುನ್ನಡೆ ಸಾಧಿಸಿದ್ದಾರೆ ಎನ್ನುವ ಮಾಹಿತಿ ಹೊರಬೀಳುತ್ತಿದ್ದಂತೆಯೇ ಬಂಟ್ಸ್ ಹಾಸ್ಟೆಲ್ ಬಳಿ ಇರುವ ಚುನಾವಣಾ ಕಚೇರಿಯ ಮುಂಭಾಗ ಬಿಜೆಪಿ ಕಾರ್ಯಕರ್ತರು ಪಟಾಕಿ ಸಿಡಿಸಿ ಸಂಭ್ರಮಾಚರಣೆಯಲ್ಲಿ ತೊಡಗಿದ್ದಾರೆ.

  ಅಂತಿಮ ಫಲಿತಾಂಶದ ಬಳಿಕವಷ್ಟೇ ಬಹಿರಂಗವಾಗಲಿದ್ದು, ಸಂಭ್ರಮಾಚರಣೆ ಸಿದ್ದತೆ ನಡೆಸಿರುವವರ ಮೊಗದಲ್ಲಿ ಮಂದಹಾಸ ಮೂಡಲಿದೆಯಾ ಅಥವಾ ಮುಖಭಂಗಕ್ಕೊಳಗಾಗಲಿದ್ದರಾ ಎಂಬುದನ್ನು ಕಾದು ನೋಡಬೇಕಿದೆ.