ಮಂಗಳೂರು: ಮೋದಿ ಅಲೆ ಸುನಾಮಿಯಾಗಿ ಪರಿವರ್ತನೆಗೊಂಡಿದೆ - ನಳಿನ್ ಕುಮಾರ್ ಕಟೀಲ್

•   Thu, May 23 2019 12:49:33 PM



• ಮಂಗಳೂರು,ಮೇ 23 (Daijiworld News/MSP): ಈ ಬಾರಿಯ ಲೋಕಸಭೆ ಚುನಾವಣೆಯ ಫಲಿತಾಂಶ ಗಮನಿಸಿದಾಗ ಈ ಬಾರಿ ಮೋದಿ ಅಲೆಯೂ ಸುನಾಮಿ ಆಗಿ ಪರಿವರ್ತನೆಗೊಂಡಿದೆ ಎಂದು ಸತತ ಮೂರನೇ ಬಾರಿಗೆ ಗೆಲುವು ಸಾಧಿಸಿ ಬಿಜೆಪಿ ಅಭ್ಯರ್ಥಿ ನಳಿನ್ ಕುಮಾರ್ ಕಟೀಲ್ ಹೇಳಿದ್ದಾರೆ.

  

  ಭರ್ಜರಿ ಮುನ್ನಡೆ ಸಾಧಿಸಿ ಗೆಲುವಿನ ನಗೆ ಬೀರುತ್ತಿರುವ ನಳಿನ್ ಕುಮಾರ್ ಈ ಬಗ್ಗೆ ಪ್ರತಿಕ್ರಿಯಿಸಿ ಮಾತನಾಡಿ , ದೇಶದಲ್ಲಿ ನರೇಂದ್ರ ಮೋದಿ ನೇತೃತ್ವದ ಅಭೂತಪೂರ್ವ ಬೆಂಬಲವನ್ನು ಜನ ನೀಡಿದ್ದಾರೆ. ಜನ ಮೆಚ್ಚಿದ ನಾಯಕನ ದೇಶದ ರಕ್ಷಣೆ , ಅಭಿವೃದ್ದಿ ಕಾರ್ಯಗಳೆಲ್ಲವೂ ಇವತ್ತು ಮತವಾಗಿ ಪರಿವರ್ತನೆಗೊಂಡು ಜನರೆಲ್ಲರೂ ಬಿಜೆಪಿ ಹಾಗೂ ಎನ್ ಡಿ ಎ ಯನ್ನು ಮತ್ತೊಮ್ಮೆ ಆಯ್ಕೆ ಮಾಡಿ ದೇಶದ ಆಡಳಿತ ಚುಕ್ಕಾಣಿಗೆ ನರೇಂದ್ರ ಮೋದಿಯೇ ಸರಿ ಎಂಬ ಸಂದೇಶ ಸಾರಿದ್ದಾರೆ ಎಂದರು.