ಮುಡಾ ಹಗರಣ - ದೇವರ ಮೊರೆ ಹೋದ ಸಿಎಂ ಅಭಿಮಾನಿಗಳು, ಕುರುಬ ಸಮುದಾಯದ ಮುಖಂಡರು

•   Fri, Aug 30 2024 03:04:04 PM



• ಹಾವೇರಿ, ಆ.30(DaijiworldNews/TA) :ಸಿಎಂ ಅಭಿಮಾನಿಗಳು ಮತ್ತು ಕುರುಬ ಸಮುದಾಯದ ಮುಖಂಡರು, ಸಿಎಂ ಸಿದ್ದರಾಮಯ್ಯ ಮುಡಾ ಹಗರಣದಿಂದ ಮುಕ್ತಿ ಪಡೆಯಲೆಂದು ರಾಣೆಬೆನ್ನೂರ ತಾಲೂಕಿನ ದೇವರಗುಡ್ಡದ ಮಾಲತೇಶನ ಮೊರೆ ಹೋಗಿದ್ದಾರೆ.

  

  ಹಾಲುಮತ ಸಮುದಾಯದ ಆರಾಧ್ಯ ದೈವವಾಗಿರುವ ದೇವರಗುಡ್ಡದ ಮಾಲತೇಶ ಸ್ವಾಮಿ ದೇವಸ್ಥಾನದಲ್ಲಿ ಶ್ರಾವಣ ಶುಕ್ರವಾರದ ಹಿನ್ನೆಲೆ ವಿಶೇಷ ಸಂಕಷ್ಟ ಹರಣ ಪೂಜೆ, ರುದ್ರಾಭಿಷೇಕ ಮಾಡಿ ಪ್ರಾರ್ಥಿಸಿದರು.

  ಸಿಎಂ ಸಿದ್ದರಾಮಯ್ಯ ದೇವರ ಗುಡ್ಡಕ್ಕೆ ಬರುವ ಮುನ್ನವೇ ಕುರುಬ ಸಮಾಜದ ಮುಖಂಡರಿಂದ ಪೂಜೆ ನಡೆದಿತ್ತು, ಮುಖಂಡರು ಐದು ವರ್ಷ ಅವರೆ ಸಿಎಂ ಆಗಿರಲಿ ಎಂದು ಪ್ರಾರ್ಥನೆ ಕೂಡಾ ಸಲ್ಲಿಸಿದ್ದಾರೆ.

  ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರು ಇಂದು ಹಾವೇರಿ ಜಿಲ್ಲೆಗೆ ಭೇಟಿ ನೀಡಿದ್ದಾರೆ. ದೇವರಗುಡ್ಡದಲ್ಲಿ ಶ್ರೀ ಮಾಲತೇಶ ದೇವರ ದರ್ಶನ ಪಡೆದಿದ್ದಾರೆ.