ಗುಜರಾತ್‌ಗೆ ಭೇಟಿ ನೀಡಿ ತಾಯಿಯ ಆಶೀರ್ವಾದ ಪಡೆದ ನರೇಂದ್ರ ಮೋದಿ

•   Sun, May 26 2019 10:43:38 PM



• ಅಹಮದಾಬಾದ್‌, ಮೇ26(Daijiworld News/SS): ಗುಜರಾತ್‌ಗೆ ಭೇಟಿ ನೀಡಿದ ಪ್ರಧಾನಿ ನರೇಂದ್ರ ಮೋದಿ ಮತದಾರರಿಗೆ ಧನ್ಯವಾದ ಅರ್ಪಿಸಿ, ಬಳಿಕ ತಮ್ಮ ತಾಯಿ ಹೀರಾಬೆನ್‌ ಅವರನ್ನು ಭೇಟಿ ಮಾಡಿ ಆಶೀರ್ವಾದ ಪಡೆದುಕೊಂಡಿದ್ದಾರೆ.

  

  ಗುಜರಾತ್‌ ಏರ್‌ಪೋರ್ಟ್‌ ಸಮೀಪದಲ್ಲೇ ಸರ್ದಾರ್‌ ವಲ್ಲಭಭಾಯ್‌ ಪಟೇಲ್‌ ಅವರ ಪ್ರತಿಮೆಗೆ ನಮನ ಸಲ್ಲಿಸಿದ ಮೋದಿಯನ್ನು ವಿಮಾನ ನಿಲ್ದಾಣದಿಂದ ಅದ್ಧೂರಿ ರೋಡ್‌ಶೋ ಮೂಲಕ ತವರಿಗೆ ಕರೆದೊಯ್ಯಲಾಯಿತು.

  ಈ ವೇಳೆ ಮಾತನಾಡಿದ ಮೋದಿ, ನಾನು ಲೋಕಸಭಾ ಚುನಾವಣಾ ಪ್ರಚಾರಕ್ಕೆ ತೆರಳಿದ ಮೂರೇ ದಿನಗಳಲ್ಲಿ ದೇಶದ ಜನರೇ ನಮ್ಮ ಪ್ರಚಾರದ ಮುಂಚೂಣಿ ವಹಿಸಿದ್ದಾರೆ ಎಂಬುದು ಅರಿವಾಯಿತು. ಈ ಬಾರಿ ಎನ್‌ಡಿಎ ಹಾಗೂ ಬಿಜೆಪಿ ಸಿಕ್ಕಿರುವುದು ಆಡಳಿತದ ಪರವಾದ ಮತ. ಇದೊಂದು ಧನಾತ್ಮಕ ಮತ ಎಂಬುದು ವಿಶೇಷ ಎಂದು ಹೇಳಿದರು.

  6ನೇ ಹಂತದ ಮತದಾನ ಪೂರ್ಣಗೊಂಡಾಗಲೇ ನಮಗೆ 300ಕ್ಕೂ ಅಧಿಕ ಸೀಟುಗಳಲ್ಲಿ ಜಯ ಸಿಗಲಿದೆ ಎಂದಿದ್ದೆ. ಆದರೆ ಕೆಲವರು ಅಗ ನನ್ನನ್ನು ಟೀಕಿಸಿದ್ದರು. ಇಂದು ಎಲ್ಲರಿಗೂ ಫಲಿತಾಂಶ ಉತ್ತರ ಕೊಟ್ಟಿದೆ. ಈ ಬಾರಿ ಮತದಾರರು ನೀಡಿರುವುದು ದಾಖಲೆ ಜನಾದೇಶ ಎಂದು ಹೇಳಿದರು.