ಮೋದಿಗೆ ಸಿಹಿ ತಿನ್ನಿಸಿದ ಪ್ರಣಬ್ ಮುಖರ್ಜಿ -ವಿಪಕ್ಷಗಳ ಕೆಂಗಣ್ಣು

•   Tue, May 28 2019 12:52:04 PM



• ನವದೆಹಲಿ, ಮೇ 28 (Daijiworld News/MSP): ಲೋಕಸಭಾ ಚುನಾವಣೆಯಲ್ಲಿ ಅಭೂತಪೂರ್ವ ಜಯಗಳಿಸಿದ ಪ್ರಧಾನಿ ನರೇಂದ್ರ ಮೋದಿ ಇಂದು ಮಾಜಿ ರಾಷ್ಟ್ರಪತಿ ಪ್ರಣಬ್ ಮುಖರ್ಜಿಯನ್ನು ಭೇಟಿಯಾಗಿ ಆಶೀರ್ವಾದ ಪಡೆದಿದ್ದಾರೆ. ಇದೇ ಸಂದರ್ಭ ಆತ್ಮೀಯವಾಗಿ ಮೋದಿ ಅವರನ್ನು ಬರಮಾಡಿಕೊಂಡು ಪ್ರಣಬ್ ಅವರು ಮೋದಿ ಅವರಿಗೆ ಸಿಹಿ ತಿನ್ನಿಸಿದರು.

   

  
  ಈ ಬಗ್ಗೆ ಟ್ವೀಟರ್ ನಲ್ಲಿ ಬರೆದುಕೊಂಡಿರುವ ನರೇಂದ್ರ ಮೋದಿ, ನಾನಿಂದು ಪ್ರಣಬ್ ದಾ ಅವರನ್ನು ಭೇಟಿಯಾದೆ. ಅವರ ಅವರ ಭೇಟಿಯಾದಗಲೆಲ್ಲಾ ಸಮೃದ್ದಗೊಳಿಸುವಂತಹ ಅನುಭವ ನೀಡುತ್ತದೆ. ಅವರ ಒಳನೋಟಗಳು ಮತ್ತು ಜ್ಞಾನ ಸರಿಸಾಟಿಯಿಲ್ಲದಂತದ್ದು. ಹಿರಿಯ ರಾಜಕಾರಣಿ ಆಗಿ ಅವರು ರಾಷ್ಟ್ರಕ್ಕೆ ಅಳಿಸಲಾಗದ ಕೊಡುಗೆ ನೀಡಿದವರು. ಅವರನ್ನು ಭೇಟಿಯಾಗಿ ಆಶೀರ್ವಾದ ಪಡೆದುಕೊಂಡೆ " ಎಂದಿದ್ದಾರೆ.

  ಈ ಹಿಂದೆಯೂ ಅನೇಕ ಬಾರಿ ನರೇಂದ್ರ ಮೋದಿ ಅವರು ಪ್ರಣಬ್ ಮುಖರ್ಜಿ ಅವರನ್ನು ಹೊಗಳಿ ಅನೇಕ ಹೇಳಿಕೆ ನೀಡಿದ್ದರು, ಪ್ರಣಬ್ ಅವರನ್ನು ಗುರುವಿನಂತೆಯೂ ಕಾಣುವ ಮೋದಿ ಈ ಹಿಂದೆ "ನಿಮ್ಮ ದೂರದೃಷ್ಟಿತ್ವ ಮತ್ತು ಸಾರ್ವಜನಿಕರ ಬದುಕಿನಲ್ಲಿ ನಿಮಗಿರುವ ಅಗಾದ ಅನುಭವ ನಮಗೆ ಮಾರ್ಗದರ್ಶನ ನೀಡಲಿ" ಎಂದಿದ್ದರು.