5ನೇ ಪ್ರಯತ್ನದಲ್ಲಿ ಐಎಎಸ್ ಆದ ಸಂಜಿತಾ ಮೊಹಾಪಾತ್ರ

•   Thu, Sep 19 2024 08:30:40 AM



• ನವದೆಹಲಿ, ಸೆ.19 (DaijiworldNews/TA):ಮಹಾರಾಷ್ಟ್ರ ಕೇಡರ್ ಅಧಿಕಾರಿ ತಮ್ಮ ಸತತ ಪ್ರಯತ್ನಗಳ ನಂತರದ 5ನೇ ಪ್ರಯತ್ನದಲ್ಲಿ ಯಶಸ್ವಿ ಐಎಎಸ್ ಅಧಿಕಾರ ಪಡೆದ ಬಗೆಗಿನ ವಿಶೇಷ ಕಥನ ಇಲ್ಲಿದೆ.

  ಮಹಾರಾಷ್ಟ್ರ ಕೇಡರ್ ಅಧಿಕಾರಿ ಸಂಜಿತಾ ಮೊಹಾಪಾತ್ರ ತಮ್ಮ 5ನೇ ಪ್ರಯತ್ನದಲ್ಲಿ ಐಎಎಸ್ ಆದರು. ಈ ಸಮಯದಲ್ಲಿ, ಅವರ ಪತಿ ಬಿಸ್ವ ರಂಜನ್ ಮುಂಡರಿ ಅವರಿಗೆ ಸಾಕಷ್ಟು ಬೆಂಬಲ ನೀಡಿದರು.

  ಸಂಜಿತಾ ಮೊಹಾಪಾತ್ರ ಒಡಿಶಾದ ರೂರ್ಕೆಲಾ ನಿವಾಸಿ. ಅವರು ಐಸಿಎಸ್‌ಇ ಮಂಡಳಿಯಿಂದ 12 ನೇ ತರಗತಿಯವರೆಗೆ ತಮ್ಮ ಅಧ್ಯಯನವನ್ನು ಪೂರ್ಣಗೊಳಿಸಿದ್ದಾರೆ. ಬಾಲ್ಯದಿಂದಲೂ ವಿದ್ಯಾಭ್ಯಾಸದಲ್ಲಿ ಅತೀ ಬುದ್ಧಿವಂತೆಯಾಗಿದ್ದ ಆಕೆಗೆ ನಾಗರಿಕ ಸೇವೆಗೆ ಸೇರುವ ಕನಸಿತ್ತು. 12 ನೇ ಬೋರ್ಡ್ ಪರೀಕ್ಷೆಯಲ್ಲಿ ಉತ್ತೀರ್ಣರಾದ ನಂತರ, ಅವರು ಜೆಇಇ ಪರೀಕ್ಷೆಯಲ್ಲಿ ತೇರ್ಗಡೆಯಾದರು ಮತ್ತು ಐಐಟಿ ಕಾನ್ಪುರದ ಮೆಕ್ಯಾನಿಕಲ್ ಇಂಜಿನಿಯರಿಂಗ್ ಶಾಖೆಯಲ್ಲಿ ಪ್ರವೇಶ ಪಡೆದರು.
  ಸಂಜಿತಾ ಮಹಾಪಾತ್ರ ಯುಪಿಎಸ್‌ಸಿ ಪರೀಕ್ಷೆಯಲ್ಲಿ ಉತ್ತೀರ್ಣರಾಗಲು ಹಲವು ವರ್ಷಗಳೇ ಬೇಕಾಯಿತು. ಪದವಿ ಮುಗಿಸಿದ ನಂತರ UPSC ಪರೀಕ್ಷೆಗೆ ತಯಾರಿ ಆರಂಭಿಸಿದರು.
  ರೂರ್ಕೆಲಾ ಸ್ಟೀಲ್ ಪ್ಲಾಂಟ್‌ನಲ್ಲಿ ಕೆಲಸದ ಜೊತೆಗೆ ಇಂಟರ್ನೆಟ್ ಸಹಾಯದಿಂದ ಸ್ಪರ್ಧಾತ್ಮಕ ಪರೀಕ್ಷೆಗಳಿಗೆ ತಯಾರಿ ನಡೆಸುತ್ತಿದ್ದಳು. ಅದರ ನಂತರ ಅವರು ತಮ್ಮ ಕೆಲಸವನ್ನು ತೊರೆದು ಪೂರ್ಣ ಸಮಯ ಓದಲು ಪ್ರಾರಂಭಿಸಿದರು. ಏತನ್ಮಧ್ಯೆ, ಅವರು ಒಡಿಶಾ ಪಬ್ಲಿಕ್ ಸರ್ವಿಸ್ ಕಮಿಷನ್ ಪರೀಕ್ಷೆಯಲ್ಲಿ ಎರಡನೇ ರ್ಯಾಂಕ್ ಗಳಿಸಿದ್ದರು ಆದರೆ ಯುಪಿಎಸ್‌ಸಿ ಪರೀಕ್ಷೆಯಲ್ಲಿ ಉತ್ತೀರ್ಣರಾಗುವುದು ಅವರ ಗುರಿಯಾಗಿತ್ತು.

  ಸಂಜಿತಾ ಮೊಹಾಪಾತ್ರ ಅವರು ಸ್ವಯಂ ಅಧ್ಯಯನದ ಆಧಾರದ ಮೇಲೆ UPSC ಪರೀಕ್ಷೆ 2019 ರಲ್ಲಿ 10 ನೇ ರ್ಯಾಂಕ್ ಗಳಿಸಿದ್ದಾರೆ. UPSC ನಾಗರಿಕ ಸೇವೆಗಳ ಪರೀಕ್ಷೆಯಲ್ಲಿ ಅವರ ಐಚ್ಛಿಕ ವಿಷಯವೆಂದರೆ ಸಮಾಜಶಾಸ್ತ್ರ. ಅವರ ಪತಿ ಬಿಸ್ವ ರಂಜನ್ ಮುಂಡರಿ ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾದಲ್ಲಿ ಮ್ಯಾನೇಜರ್ ಆಗಿದ್ದಾರೆ. ಏತನ್ಮಧ್ಯೆ, ಸಂಜಿತಾ ಮೊಹಾಪಾತ್ರ ಅವರು ಪ್ರಸ್ತುತ ಮಹಾರಾಷ್ಟ್ರದ ದಹಾನುದಲ್ಲಿ ಸಹಾಯಕ ಕಲೆಕ್ಟರ್ ಆಗಿ ನೇಮಕಗೊಂಡಿದ್ದಾರೆ.