ಮಗನ ಪ್ರಮಾಣ ವಚನವನ್ನು ಮನೆಯಲ್ಲೇ ವೀಕ್ಷಿಸಿದ ತಾಯಿ ಹೀರಾಬೆನ್

•   Thu, May 30 2019 08:26:19 PM



• ನವದೆಹಲಿ, ಮೇ30(Daijiworld News/SS): ಅಭೂತಪೂರ್ವ ಯಶಸ್ಸಿನೊಂದಿಗೆ ಮರಳಿ ಅಧಿಕಾರಕ್ಕೇರಿರುವ ನರೇಂದ್ರ ಮೋದಿ ಎರಡನೇ ಬಾರಿ ಪ್ರಧಾನಮಂತ್ರಿಯಾಗಿ ದೇವರ ಹೆಸರಿನಲ್ಲಿ ಪ್ರಮಾಣವಚನ ಸ್ವೀಕರಿಸಿದ್ದಾರೆ.

  

  ಈ ಅದ್ಭುತ ಕ್ಷಣವನ್ನು ತಾಯಿ ಹೀರಾ ಬೆನ್ ಮನೆಯಲ್ಲೇ ಕೂತು ವೀಕ್ಷಿಸಿದ್ದಾರೆ. ನರೇಂದ್ರ ಮೋದಿಯವರ ಪದಗ್ರಹಣ ಸಮಾರಂಭ ನಡೆಯುತ್ತಿದ್ದ ವೇಳೆ, ಇಂದು ಗುಜರಾತ್​ನ ಗಾಂಧಿನಗರದ ಮನೆಯಲ್ಲಿ ಅವರ ತಾಯಿ ಹೀರಾಬೆನ್​ ಪುತ್ರನನ್ನು ಟಿವಿಯಲ್ಲಿ ನೋಡಿ ಸಂತಸ ಪಟ್ಟರು.

  ಇಂದು ಸಂಜೆ 7 ಗಂಟೆ 5 ನಿಮಿಷಕ್ಕೆ ಪ್ರಮಾಣ ವಚನ ಸ್ವೀಕರಿಸಲು ಮೋದಿ ಅವರು ಆಗಮಿಸುತ್ತಿದಂತೆ ರಾಷ್ಟ್ರಪತಿ ಭವನದ ದಶದಿಕ್ಕುಗಳಲ್ಲೂ ಮೋದಿ.. ಮೋದಿ… ಎಂಬ ಜಯಘೋಷ ಮೊಳಗಿತು.

  ಈಶ್ವರನ ಹೆಸರಲ್ಲಿ ಗೌಪ್ಯತಾ ವಿಧಿ ಸ್ವೀಕರಿಸಿದ ಮೋದಿ ಅವರು ಶ್ರದ್ಧಾ ಪೂರ್ವಕವಾಗಿ, ಶುದ್ಧ ಅಂತಃಕರಣದಿಂದ ಕರ್ತವ್ಯ ನಿರ್ವಹಿಸುತ್ತೇನೆ ಎಂದು ತಿಳಿಸಿದರು.