ರೈತನ ಮಗಳು ಹಿಮಾನಿ ಮೀನಾ IAS ಅಧಿಕಾರಿಯಾದ ಸಕ್ಸಸ್‌ ಕಥೆ

•   Tue, Oct 08 2024 08:15:06 AM



• ನವದೆಹಲಿ, ಅ.08(DaijiworldNews/AK): ಕಷ್ಟಗಳ ನಡುವೆಯೂ ತನ್ನ ಗುರಿಯತ್ತ ಸಾಗಿದ ರೈತನ ಮಗಳ ಕಥೆ ಇದಾಗಿದೆ.ಐಎಎಸ್ ಹಿಮಾನಿ ಮೀನಾ ಸಕ್ಸಸ್ ಸ್ಟೋರಿ ಇದಾಗಿದೆ.

  

  ಐಎಎಸ್ ಹಿಮಾನಿ ಮೀನಾ ಗ್ರೇಟರ್ ನೋಯ್ಡಾದ ಜೆವಾರ್ನ ಸಿರ್ಸಾ ಮಾಚಿಪುರ ಗ್ರಾಮದ ನಿವಾಸಿ. UPSC ಪರೀಕ್ಷೆಯಲ್ಲಿ ಉತ್ತೀರ್ಣರಾಗುವ ಪ್ರಯಾಣವು ಅವರಿಗೆ ತುಂಬಾ ಕಷ್ಟಕರವಾಗಿತ್ತು. ಕುಟುಂಬದ ಆರ್ಥಿಕ ಪರಿಸ್ಥಿತಿಯನ್ನು ನೋಡಿದರೆ, ಅವರ ಶಾಲಾ ಶಿಕ್ಷಣವನ್ನು ಪೂರ್ಣಗೊಳಿಸುವುದು ಅವರಿಗೆ ಸವಾಲಾಗಿತ್ತು. ಹಿಮಾನಿ ಮೀನಾಳ ತಂದೆ ಇಂದ್ರಜಿತ್ ರೈತ. ಮೊದಲು ಅವರು ಕೃಷಿ ಮತ್ತು ಡ್ರೈವಿಂಗ್ ಎರಡನ್ನೂ ಮಾಡುತ್ತಿದ್ದರು. ನಂತರ ಅವರು ತಮ್ಮ ಗಮನವನ್ನು ಕೃಷಿಯತ್ತ ಮಾತ್ರ ಕೇಂದ್ರೀಕರಿಸಿದರು.

  ಹಿಮಾನಿ ಅವರ ಕುಟುಂಬ ರಾಜಸ್ಥಾನದಿಂದ ಉತ್ತರ ಪ್ರದೇಶದ ಈ ಗ್ರಾಮಕ್ಕೆ ಬಂದು ನೆಲೆಸಿತ್ತು. ಹಿಮಾನಿ ಅವರ ತಾಯಿ ಗೃಹಿಣಿ. ಅವರ ತಾಯಿ ಮತ್ತು ಚಿಕ್ಕಮ್ಮ ಅವರನ್ನು ಅಧ್ಯಯನ ಮಾಡಲು ಮತ್ತು ಜೀವನದಲ್ಲಿ ಉನ್ನತ ಸ್ಥಾನವನ್ನು ಸಾಧಿಸಲು ಪ್ರೇರೇಪಿಸಿದರು. ಹಿಮಾನಿ ಮೀನಾ ತನ್ನ ಪ್ರಾಥಮಿಕ ಶಿಕ್ಷಣವನ್ನು ಹಳ್ಳಿಯ ಶಾಲೆಯೊಂದರಲ್ಲಿ ಮಾಡಿದ್ದಾರೆ.

  ಹಿಮಾನಿ ಬಾಲ್ಯದಿಂದಲೂ ಅಧ್ಯಯನದಲ್ಲಿ ತುಂಬಾ ಚುರುಕಾಗಿದ್ದರು. ಆಕೆಯ ಅಧ್ಯಯನದ ಉತ್ಸಾಹವನ್ನು ನೋಡಿ, ತಂದೆ ಆಕೆಯನ್ನು ಆರನೇ ತರಗತಿಯಲ್ಲಿ ಜೇವರ್ ನ ಪ್ರಗ್ಯಾನ್ ಪಬ್ಲಿಕ್ ಸ್ಕೂಲ್ ಗೆ ಸೇರಿಸಿದರು. ಪ್ರತಿ ತರಗತಿಯಲ್ಲೂ ಅಗ್ರಸ್ಥಾನ ಪಡೆದರು. 

  12 ನೇ ಬೋರ್ಡ್ ಪರೀಕ್ಷೆಯಲ್ಲಿ ಉತ್ತೀರ್ಣರಾದ ನಂತರ, ಹಿಮಾನಿ ಮೀನಾ ದೆಹಲಿ ವಿಶ್ವವಿದ್ಯಾಲಯದಲ್ಲಿ ಪ್ರವೇಶ ಪಡೆದರು. ಅಲ್ಲಿಂದ ಬಿಎ ಮಾಡಿದ ನಂತರ ಜೆಎನ್ ಯುನಲ್ಲಿ ವಿದೇಶಾಂಗ ವ್ಯವಹಾರಗಳಲ್ಲಿ ಸ್ನಾತಕೋತ್ತರ ಪದವಿ ಪಡೆದರು.

  ಹಿಮಾನಿ ಮೀನಾ ಪಿಎಚ್‌ಡಿ ಅಲ್ಲಿ ಓದುತ್ತಿರುವಾಗಲೇ UPSC ಪರೀಕ್ಷೆಗೆ ತಯಾರಿ ಆರಂಭಿಸಿದ್ದರು. ಅವರು 2020 ರ UPSC ಪರೀಕ್ಷೆಯಲ್ಲಿ 323 ನೇ ಶ್ರೇಣಿಯೊಂದಿಗೆ IAS ಅಧಿಕಾರಿಯಾದರು.