ಖ್ಯಾತ ಸಿನಿಮಾ ಎಡಿಟರ್ ನಿಶಾದ್ ಯೂಸುಫ್ ಶವವಾಗಿ ಪತ್ತೆ - ಆತ್ಮಹತ್ಯೆ ಶಂಕೆ

•   Wed, Oct 30 2024 11:37:51 AM



• ಕೊಚ್ಚಿ,ಅ.30(DaijiworldNews/TA):ಖ್ಯಾತ ಚಲನಚಿತ್ರ ಸಂಕಲನಕಾರ ನಿಶಾದ್ ಯೂಸುಫ್ ಬುಧವಾರ ಮುಂಜಾನೆ ಅಪಾರ್ಟ್‌ಮೆಂಟ್‌ನಲ್ಲಿ ಶವವಾಗಿ ಪತ್ತೆಯಾಗಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ. ರಾತ್ರಿ 2 ಗಂಟೆ ಸುಮಾರಿಗೆ ಪಣಂಪಳ್ಳಿ ನಗರದ ಅಪಾರ್ಟ್‌ಮೆಂಟ್‌ನಲ್ಲಿ ಪತ್ತೆಯಾಗಿದ್ದಾರೆ.

  

  ಘಟನೆಯನ್ನು ಆತ್ಮಹತ್ಯೆ ಎಂದು ಶಂಕಿಸಲಾಗಿದೆ ಎಂದು ಪೊಲೀಸ್ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ. ಹೆಚ್ಚಿನ ವಿವರಗಳು ಲಭ್ಯವಾಗಿಲ್ಲ ಎಂದು ಹೇಳಲಾಗಿದೆ. ಅತ್ಯುತ್ತಮ ಸಂಕಲನಕಾರರಾಗಿ ಗುರುತಿಸಿದ್ದ ಕೇರಳದ ಚಲನಚಿತ್ರ ಪ್ರಶಸ್ತಿ ವಿಜೇತ,ಯೂಸುಫ್, ಉಂಡ, ಸೌದಿ ವೆಳ್ಳಕ್ಕ, ತಲ್ಲುಮಾಲ, ಆಪರೇಷನ್ ಜಾವಾ, ಒನ್, ಚಾವೇರ್, ರಾಮಚಂದ್ರ ಬಾಸ್ & ಕೋ, ಉಡಲ್, ಆಳಂಕಂ, ಆಯಿರತ್ತೊಂದು ನುಣುಗಳು, ಅಡಿಯೋಸ್ ಅಮಿಗೋ, ಎಕ್ಸಿಟ್ ಹೀಗೆ ಅನೇಕ ಸಿನಿಮಾ ಸಂಕಲನ ಮಾಡಿದ್ದಾರೆ. ಇತ್ತೀಚಿನ ಸಿನಿಮಾರಂಗದಲ್ಲಿ ಪ್ರಖ್ಯಾತಿ ಪಡೆದಂತ ಎಡಿಟರ್‌ ಇವರಾಗಿದ್ದರು.

  ಹರಿಪ್ಪಾಡ್ ಮೂಲದ ನಿಷಾದ್ ಯೂಸಫ್ ಕೊಚ್ಚಿಯಲ್ಲಿ ಪತ್ನಿ ಮತ್ತು ಇಬ್ಬರು ಮಕ್ಕಳೊಂದಿಗೆ ಕೊಚ್ಚಿ ಪನಂಪಳ್ಳಿ ನಗರದ ಫ್ಲ್ಯಾಟ್‌ನಲ್ಲಿ ವಾಸಿಸುತ್ತಿದ್ದರು. ಮಲಯಾಳಂ ಚಲನಚಿತ್ರ ರಂಗದ ಪ್ರಮುಖರು ನಿಶಾದ್ ಯೂಸೂಫ್‌ ಅವರ ಅಕಾಲ ನಿಧನಕ್ಕೆ ಸಂತಾಪ ಸೂಚಿಸಿದ್ದಾರೆ. ಮೃತದೇಹವನ್ನು ಪೊಲೀಸ್ ಕಾರ್ಯವಿಧಾನಗಳನ್ನು ಪೂರ್ಣಗೊಳಿಸಿ ಎರ್ನಾಕುಲಂ ಜನರಲ್ ಆಸ್ಪತ್ರೆಗೆ ಸ್ಥಳಾಂತರಿಸಲಾಗಿದೆ ಎಂದು ತಿಳಿದು ಬಂದಿದೆ.