ತನಗೂ ಈ ಕೊಲೆಗೂ ಯಾವುದೇ ಸಂಬಂಧವಿಲ್ಲ-ರೇಷ್ಮಾ ಕೊಲೆ ಆರೋಪಿ ಹೇಳಿಕೆ

•   Tue, Jun 04 2019 08:56:23 AM



• ಬೆಂಗಳೂರು,ಜೂ04(Daijiworld News/AZM):ಕಾಂಗ್ರೆಸ್ ನಾಯಕಿ ರೇಷ್ಮಾ ಕೊಲೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಆರೋಪಿ ಹೇಳಿರುವ ಹೇಳಿಕೆ ಇದೀಗ ಸಾರ್ವಜನಿಕರಲ್ಲಿ ಚರ್ಚೆಗೆ ಒಳಪಟ್ಟಿದೆ. ತನಗೂ ಈ ಕೊಲೆಗೂ ಯಾವುದೇ ಸಂಬಂಧವಿಲ್ಲ. ತಾನು ರೇಷ್ಮಾರನ್ನು ಕೊಲೆ ಮಾಡಿಲ್ಲ ಎಂದು ಸ್ಪಷ್ಟಪಡಿಸಿದ್ದಾರೆ. ತನ್ನ ಈ ಅರೆಸ್ಟ್ ಹಿಂದೆ ರಾಜಕೀಯದ ಕೈವಾಡವಿದೆ ಎಂದು ಅವರು ಹೇಳಿದ್ದಾರೆ.

  

  ಬಂಧನಕ್ಕೂ ಮೊದಲು ತೌಫಿಕ ಹೇಳಿಕೆಯೊಂದನ್ನು ನೀಡಿದ್ದ. ಈ ವೇಳೆ ಆತ ಕೊಲೆಯಲ್ಲಿ ನನ್ನ ಪಾತ್ರ ಇಲ್ಲ ಎನ್ನುವ ವಿಚಾರವನ್ನು ಹೇಳಿದ್ದಾನೆ. “ಮೇ 17ರಂದು ರೇಷ್ಮಾ ಪಡೆಕನೂರ ಕೊಲೆ ನಡೆದ ದಿನ ನಾನು ಪ್ರಕಾಶ ಅಂಬೇಡ್ಕರ ಅವರ ಜೊತೆಯಲ್ಲಿ ಪ್ರಚಾರದಲ್ಲಿದ್ದೆ. ಈ ವಿಷಯ ಪೊಲೀಸರಿಗೂ ಗೊತ್ತಿದೆ,” ಎನ್ನುವ ಮೂಲಕ ತೌಫಿಕ್​ ಅಚ್ಚರಿ ಮೂಡಿಸಿದ್ದಾನೆ.

  ರಾಜಕೀಯ ದುರುದ್ದೇಶದಿಂದ ಈ ಪ್ರಕರಣದಲ್ಲಿ ನನ್ನನ್ನು ಸಿಲುಕಿಸಲಾಗಿದೆ ಎಂಬುದು ತೌಫಿಕ್​ ಆರೋಪ. “ಕೊಲೆ ನಡೆದ ದಿನ ನಾನೆಲ್ಲಿದ್ದೆ ಎಂಬುದು ಪೊಲೀಸರಿಗೂ ಗೊತ್ತಿದೆ ಎಂದಮೇಲೆ ನನ್ನನ್ನೇಕೆ ಬಂಧಿಸಿದ್ದಾರೆ? ಶೀಘ್ರವೇ ಮಹಾರಾಷ್ಟ್ರ ವಿಧಾನಸಭೆ ಚುನಾವಣೆ ನಡೆಯಲಿದೆ‌. ಈ ಹಿನ್ನೆಲೆಯಲ್ಲಿ ನನ್ನ ವಿರುದ್ಧ ಷಡ್ಯಂತ್ರ ನಡೆಸಿ ಚಾರಿತ್ರ್ಯ ವಧೆ ಮಾಡಲಾಗುತ್ತಿದೆ. ನನ್ನನ್ನು ಬಂಧಿಸಿದ್ದರ ಹಿಂದೆ ರಾಜಕೀಯ ಷಡ್ಯಂತ್ರರವಿದೆ,” ಎಂದು ತೌಫೀಕ್ ಹೇಳಿದ್ದಾರೆ.ಇನ್ನು, ತೌಫಿಕ್​ ಅಲ್ಲಾ ಹಾಗೂ ಭಾರತದ ನ್ಯಾಯಾಲಯದ ಮೇಲೆ ನಂಬಿಕೆ ಇದ್ದು, ನಾನು ಬಿಡುಗಡೆ ಆಗುತ್ತೇನೆ ಎನ್ನುವ ವಿಶ್ವಾಸ ವ್ಯಕ್ತಪಡಿಸಿದ್ದಾನೆ.

  ಮೇ 17ರಂದು ರೇಷ್ಮಾ ಕೊಲೆ ನಡೆದಿದ್ದು, ವಿಜಯಪುರ ಜಿಲ್ಲೆಯ ಕೋಲ್ಹಾರ ಬಳಿಯ ಕೃಷ್ಣಾ ನದಿಯ ಸೇತುವೆ ಕೆಳಗೆ ಮೃತದೇಹ ಪತ್ತೆಯಾಗಿತ್ತು.