ಮನುಷ್ಯ ಮಾಂಸವನ್ನೇ ಕಚ್ಚಿ ತಿಂದ ಮಾನಸಿಕ ಅಸ್ವಸ್ಥ

•   Tue, Jun 04 2019 12:13:50 PM



• ಮಂಡ್ಯ,ಜೂ04(DaijiworldNews/AZM):ಇಲ್ಲೊಬ್ಬ ಮಾನಸಿಕ ಅಸ್ವಸ್ಥ ಮನುಷ್ಯನ ಮಾಂಸವನ್ನೇ ಕಚ್ಚಿ ತಿಂದಿದ್ದಾನೆ.ಹೌದು ವ್ಯಕ್ತಿಯೊಬ್ಬರ ಮೇಲೆ ದಾಳಿ ನಡೆಸಿದ ಮಾನಸಿಕ ಅಸ್ವಸ್ಥ ಆತನ ಕೈ ಕಚ್ಚಿ ಮಾಂಸ ತಿಂದ ಘಟನೆ ಮಂಡ್ಯ ಜಿಲ್ಲೆ ಮಳವಳ್ಳಿ ತಾಲೂಕಿನ ಮುಟ್ಟನಹಳ್ಳಿ ಗ್ರಾಮದಲ್ಲಿ ನಡೆದಿದೆ.

  

  ಮುಟ್ಟನಹಳ್ಳಿ ಗ್ರಾಮದ ನಿಂಗಪ್ಪ ಎನ್ನುವವರೇ ಹಲ್ಲೆಗೊಳಗಾದ ವ್ಯಕ್ತಿಯಾಗಿದ್ದು, ನೋರಹುಂಡಿ ಗ್ರಾಮದ ಕುಳ್ಳ ಎಂಬ ಮಾನಸಿಕ ಅಸ್ವಸ್ಥ ದಾಳಿ ಮಾಡಿ ಕಚ್ಚಿ ಮಾಂಸ ತಿಂದಿದ್ದಾನೆ.

  ಇನ್ನು ನಿಂಗಪ್ಪ ಬೆಳಗ್ಗೆ ಸೆಗಣಿಯನ್ನು ತುಂಬಿಕೊಂಡು ಜಮೀನಿನ ಬಳಿ ತೆರಳುತ್ತಿದ್ದಾಗ ಕುಳ್ಳ ದಾಳಿ ಮಾಡಿ ಕೈ ಕಚ್ಚಿ ಮಾಂಸ ತಿಂದಿದ್ದಾನೆ ಎನ್ನಲಾಗಿದ್ದು, ಘಟನೆ ನಡೆದ ಬಳಿಕ ಗಾಯಾಳು ನಿಂಗಪ್ಪ ಹಾಗೂ ಮಾನಸಿಕ ಅಸ್ವಸ್ಥನನ್ನು ಆಸ್ಪತ್ರೆಗೆ ದಾಖಲು ಮಾಡಿದ್ದಾರೆ. ಗ್ರಾಮಾಂತರ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಪ್ರಕರಣ ನಡೆದಿದೆ.