IAS ರಮ್ಯಾ ಸಿಎಸ್ ಅವರ ಸ್ಫೂರ್ತಿದಾಯಕ ಯಶೋಗಾಥೆ

•   Mon, Nov 11 2024 07:37:47 AM



• ಚೆನ್ನೈ, ನ.11(DaijiworldNews/TA):2021 ರಲ್ಲಿ ಯುಪಿಎಸ್‌ಸಿ ಪರೀಕ್ಷೆಯಲ್ಲಿ AIR 46 ಅಂಕಗಳನ್ನು ಗಳಿಸಿದ IAS ರಮ್ಯಾ ಸಿಎಸ್ ಅವರ ಒಂದು ಸ್ಪೂರ್ತಿದಾಯಕ ಯಶಸ್ಸಿನ ಕಥೆ ಇದು.

  

  ರಮ್ಯಾ ತಮಿಳುನಾಡಿನ ಕೊಯಮತ್ತೂರು ಜಿಲ್ಲೆಯವರು. ಅವರು ಪಾಲಕ್ಕಾಡ್ ಮೂಲದ ಆರ್ ಮುತ್ತುಲಕ್ಷ್ಮಿ ಮತ್ತು ನೆನ್ಮಾರಾ ಮೂಲದ ಆರ್ ಚಂದ್ರಶೇಖರ್ ಅವರ ಏಕೈಕ ಮಗಳು. ಈ ಕುಟುಂಬವು ಕೊಯಮತ್ತೂರಿನ ರಾಮನಗರ ಕಟ್ಟೂರಿನಲ್ಲಿ ದೀರ್ಘಕಾಲ ನೆಲೆಸಿದೆ. ಅವರು ಎಲೆಕ್ಟ್ರಿಕಲ್ ಮತ್ತು ಎಲೆಕ್ಟ್ರಾನಿಕ್ಸ್ ಇಂಜಿನಿಯರಿಂಗ್ ನಲ್ಲಿ ಪದವಿಯನ್ನು ಪಡೆಯಲು ಕೊಯಮತ್ತೂರು ಇನ್‌ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿಗೆ ಸೇರಿದರು. ನಂತರ IGNOU ನಲ್ಲಿ MBA ಮುಗಿಸಿದರು.

  ಆವರ ತಂದೆಯ ಅಕಾಲಿಕ ಮರಣದ ನಂತರ, ಅವರು ಕುಟುಂಬದ ಜವಾಬ್ದಾರಿಯನ್ನು ವಹಿಸಿಕೊಂಡರು. ಅದರ ನಂತರ, ಅವರು ಮೂರು ವರ್ಷಗಳ ಕಾಲ ಬೆಂಗಳೂರಿನಲ್ಲಿ ಇನ್ಸ್ಟ್ರುಮೆಂಟೇಶನ್ ಕಂಪನಿಯಲ್ಲಿ ಕೆಲಸ ಮಾಡಿದರು,ತದನಂತರ 2017 ರಲ್ಲಿ UPSC ಪರೀಕ್ಷೆಗೆ ತಯಾರಾಗಲು ಹೊರಟರು. UPSC ಪೂರ್ವಭಾವಿ ಪರೀಕ್ಷೆಯಲ್ಲಿ ಐದು ಬಾರಿ ವಿಫಲವಾದ ಕಾರಣ ಅವರು ಯಶಸ್ಸಿಗಾಗಿ ಬಹಳ ಸಮಯ ಕಾಯಬೇಕಾದ ಪರಿಸ್ಥಿತಿ ಎದುರಾಯಿತು. AIR 46 ನೊಂದಿಗೆ ತನ್ನ ಅಂತಿಮ ಪ್ರಯತ್ನದಲ್ಲಿ, ಅವರು ಯಶಸ್ವಿಯಾದರು. ರಾಜ್ಯ ಮಟ್ಟದಲ್ಲಿ ದ್ವಿತೀಯ ಸ್ಥಾನ ಪಡೆದವರು ಇವರಾಗಿದ್ದಾರೆ. ಇದೀಗ ಐಎಫ್‌ಎಸ್ ಅಧಿಕಾರಿಯಾಗಿ ಕಾರ್ಯನಿರ್ವಹಿಸುತ್ತಿದ್ದಾರೆ.

  ತನ್ನ ಪರೀಕ್ಷೆಯ ತಯಾರಿಗಾಗಿ ಪಾವತಿಸಲು, ರಮ್ಯಾ ಅವರು ಡೇಟಾ ಎಂಟ್ರಿ ಆಪರೇಟರ್ ಆಗಿ ಕೆಲಸ ಮಾಡಿದರು ಮತ್ತು ಡೇಟಾ ಸಂಗ್ರಹಣೆ ಕಾರ್ಯಗಳನ್ನು ನಿರ್ವಹಿಸಿದರು. ಈ ಎಲ್ಲಾ ಕಷ್ಟಗಳನ್ನು ಮೆಟ್ಟಿನಿಂತು ರಮ್ಯಾ ತನ್ನ ಯಶಸ್ಸಿನ ಗುರಿ ತಲುಪಿದರು.