ಬೆಂಗಳೂರು: ಅಭಿವೃದ್ಧಿ ವಿಚಾರದಲ್ಲಿ ರಾಜಕೀಯ ಬೇಡ-ಸಚಿವ ತಮ್ಮಣ್ಣಗೆ ಸಿಎಂ ಸಲಹೆ

•   Sun, Jun 09 2019 09:45:46 PM



• ಬೆಂಗಳೂರು, ಜೂ 09 (Daijiworld News/SM): ‘ಅಭಿವೃದ್ಧಿ ಕೆಲಸಕ್ಕೆ ನಾವು, ಮತ ಹಾಕಲಿಕ್ಕೆ ಅವರು’ ಎಂದು ವಿವಾದಾತ್ಮಕ ಹೇಳಿಕೆ ನೀಡಿದ ಸಚಿವ ಡಿ.ಸಿ.ತಮ್ಮಣ್ಣ ಅವರನ್ನು ಮುಖ್ಯಮಂತ್ರಿ ಕುಮಾರಸ್ವಾಮಿ ಸಮಾಧಾನ ಪಡಿಸಿದ್ದು, ಅವರಿಗೆ ಬುದ್ಧಿವಾದ ಹೇಳಿದ್ದಾರೆ.

  

  ಸಮ್ಮಿಸ್ರ ಸರಕಾರದ ಸಚಿವ ತಮ್ಮಣ್ಣ ಜನತೆಯಿಂದ ವ್ಯಾಪಕ ಆಕ್ರೋಶ ವ್ಯಕ್ತವಾಗಿದೆ. ಈ ಹಿನ್ನೆಲೆಯಲ್ಲಿ ಸಿಎಂ ಕುಮಾರಸ್ವಾಮಿ ಅವರು ಟ್ವೀಟ್ ಮೂಲಕ ಪ್ರತಿಕ್ರಿಯೆ ನೀಡಿದ್ದಾರೆ.

  ಚುನಾವಣೆ, ರಾಜಕೀಯ ಬೇರೆಯೇ ಆಗಿದೆ. ರಾಜಕೀಯವನ್ನು ಅಭಿವೃದ್ಧಿಯೊಂದಿಗೆ ಬೆರೆಸುವುದು ಸರಿಯಾಗಿಲ್ಲ ಸಿಎಂ ಕುಮಾರಸ್ವಾಮಿ ಹೇಳಿದ್ದಾರೆ. ಜನಪ್ರತಿನಿಧಿಗಳಾದ ಹಾಗೂ ಮಂತ್ರಿ ಮಂಡಲದಲ್ಲಿ ಸ್ಥಾನ ಪಡೆದಿರುವ ನಾವು ಪಕ್ಷ ನೋಡದೆ, ರಾಜಕೀಯ ಮಾಡದೆ ಅಭಿವೃದ್ಧಿಗಾಗಿ ಶ್ರಮಿಸಬೇಕೆಂದು ಅವರು ತಿಳಿಸಿದ್ದಾರೆ.