ಮುಂಬೈನ ಸ್ಲಂ​ನಲ್ಲಿ ಬೆಳೆದ ಹುಸೇನ್ ಅಧಿಕಾರಿಯಾದ ಯಶೋಗಾಥೆ

•   Sat, Jan 04 2025 08:31:56 AM



• ಮುಂಬೈ, ಜ.04 (DaijiworldNews/AK):ಯುಪಿಎಸ್ಸಿ ಸಿವಿಲ್ ಸರ್ವೀಸಸ್ ಪರೀಕ್ಷೆಯಲ್ಲಿ ತೇರ್ಗಡೆಯಾಗುವ ಮೂಲಕ ಸಾವಿರಾರು ಯುವಕರು ಐಎಎಸ್-ಐಪಿಎಸ್ ಆಗುವ ಕನಸು ಹೊಂದಿದ್ದಾರೆ. ಇವರಲ್ಲಿ ಕೆಲವರ ಯಶಸ್ಸಿನ ಪಯಣ ತುಂಬ ಸ್ಪೂರ್ತಿದಾಯಕ. ಮುಂಬೈನ ಕೊಳೆಗೇರಿಯಲ್ಲಿ ಬೆಳೆದ ಸೈಯದ್ ಹುಸೇನ್ ಅವರ ಸಾಧನೆಯ ಕಥೆ ಇಲ್ಲಿದೆ.

  ಸಹೋದರ ಮತ್ತು ತಂದೆ ಡಾಕ್ ಯಾರ್ಡ್ ನಲ್ಲಿ ಕೆಲಸಗಾರರಾಗಿದ್ದರು. ಬಡ ಕುಟುಂಬದಿಂದ ಬಂದ ಹುಸೇನ್ UPSC ಪರೀಕ್ಷೆಯಲ್ಲಿ ಉತ್ತೀರ್ಣರಾದ ನಂತರ IRS ಅಧಿಕಾರಿಯಾದರು.

  ಮೊಹಮ್ಮದ್ ಹುಸೇನ್ UPSC 2023 ಬ್ಯಾಚ್ ನ IRS ಅಧಿಕಾರಿ. ಮುಂಬೈನ ವಾಡಿ ಬಂದರ್ ಪ್ರದೇಶದ ಧೂಳಿನ ಸೋಲಾಪುರ ಬೀದಿಯಲ್ಲಿ ಹುಸೇನ್ ಅವರ ಮನೆ ಇತ್ತು. ಅವರ ಸಹೋದರ ಮತ್ತು ತಂದೆ ರಂಜಾನ್ ಸೈಯದ್ ಮಜಗಾಂವ್ ಡಾಕ್ ಯಾರ್ಡ್ ನಲ್ಲಿ ಕೆಲಸ ಮಾಡುತ್ತಿದ್ದರು. ಅವರ ಸಹೋದರ ಹಡಗುಕಟ್ಟೆಯಲ್ಲಿ ಕೆಲಸಗಾರರಾಗಿದ್ದರು ಮತ್ತು ಅವರ ತಂದೆ ಮೇಲ್ವಿಚಾರಕರಾಗಿದ್ದರು.

  ಹುಸೇನ್ ಅವರು ತಮ್ಮ ತಂದೆಯೊಂದಿಗೆ ಕೆಲಸದ ನಿಮಿತ್ತ ಸರ್ಕಾರಿ ಕಚೇರಿಗೆ ಹೋದಾಗ IAS ಆಗಬೇಕೆಂಬ ಕನಸು ಹುಟ್ಟಿತು. ಆದರೆ ಆರ್ಥಿಕ ಸ್ಥಿತಿ, ಮನೆಯಲ್ಲಿ ಸ್ಥಳಾವಕಾಶದ ಕೊರತೆ, ಅಧ್ಯಯನಕ್ಕೆ ಪೂರಕವಾದ ವಾತಾವರಣದ ಕೊರತೆ ಮತ್ತು ನಾಗರಿಕ ಸೇವಾ ಪರೀಕ್ಷೆಯ ಬಗ್ಗೆ ಬಹಳ ಕಡಿಮೆ ಮಾಹಿತಿ ಮತ್ತು ಮಾರ್ಗದರ್ಶನದ ಕೊರತೆಯಂತಹ ಸವಾಲುಗಳನ್ನು ಎದುರಿಸುವ ಮೂಲಕ ಹುಸೇನ್ ತಮ್ಮ ಪ್ರಯಾಣವನ್ನು ಯಶಸ್ವಿಯಾಗಿ ಮುಗಿಸಿದ್ದಾರೆ.

  ಹುಸೇನ್ UPSC 2022 ಪರೀಕ್ಷೆಯಲ್ಲಿ 27 ನೇ ವಯಸ್ಸಿನಲ್ಲಿ ೫ ನೇ ಪ್ರಯತ್ನದಲ್ಲಿ ಅಖಿಲ ಭಾರತ 570 ರ್ಯಾಂಕ್ ನೊಂದಿಗೆ ಉತ್ತೀರ್ಣರಾದರು.