'ಕಾರ್ನಾಡ್‌ ನಿಧನಕ್ಕೆ ಮೋದಿ ಸಂತಾಪ'- ಸರ್ಕಾರಿ ಗೌರವ, ವಿಧಿವಿಧಾನಗಳಿಲ್ಲದೆ ನೆರವೇರುತ್ತೆ ಅಂತ್ಯಸಂಸ್ಕಾರ

•   Mon, Jun 10 2019 12:05:38 PM



• ಬೆಂಗಳೂರು, ಜೂ 10(Daijiworld News/MSP): ಜ್ಞಾನಪೀಠ ಪ್ರಶಸ್ತಿ ಪುರಸ್ಕೃತ ಹಿರಿಯ ಸಾಹಿತಿ ಗಿರೀಶ್‌ ಕಾರ್ನಾಡ್‌ ಅವರು ಸೋಮವಾರ ಬೆಳಗ್ಗೆ ವಿಧಿವಶರಾಗಿದ್ದು, ಪ್ರಧಾನಿ ನರೇಂದ್ರ ಮೋದಿ ಟ್ವೀಟ್‌ ಮೂಲಕ ಸಂತಾಪ ಸೂಚಿಸಿದ್ದಾರೆ.

  

  ಗಿರೀಶ್‌ ಕಾರ್ನಾಡ್‌ ಅವರು ಎಲ್ಲಾ ರಂಗದಲ್ಲು ಅದ್ಭುತ ನಟನೆ ಮೂಲಕ ನೆನಪಿನಲ್ಲಿ ಉಳಿಯುತ್ತಾರೆ. ತಮ್ಮ ಅನಿಸಿಕೆಗಳನ್ನು ನೇರವಾಗಿ ಉತ್ಕಟ ಮನೋಭಾವದಿಂದ ಅಭಿವ್ಯಕ್ತಗೊಳಿಸುತ್ತಿದ್ದರು. ಮುಂಬರುವ ವರ್ಷಗಳಲ್ಲು ಕಾರ್ನಾಡ್‌ ಅವರ ಕೆಲಸಗಳು ಮುಂದುವರಿಯುತ್ತವೆ. ಅವರ ಸಾವಿನಿಂದ ನೋವಾಗಿದೆ. ಅವರ ಆತ್ಮಕ್ಕೆ ಶಾಂತಿ ಸಿಗಲಿ ಎಂದು ನರೇಂದ್ರ ಮೋದಿ ತೀವ್ರ ಸಂತಾಪ ಸೂಚಿಸಿದ್ದಾರೆ.

  Girish Karnad will be remembered for his versatile acting across all mediums. He also spoke passionately on causes dear to him. His works will continue being popular in the years to come. Saddened by his demise. May his soul rest in peace.

  — Narendra Modi (@narendramodi) June 10, 2019

   

  ಇನ್ನು ಗಿರೀಶ್‌ ಕಾರ್ನಾಡ್‌ ಆಸೆಯಂತೆ ಯಾವುದೇ ವಿಧಿವಿಧಾನಗಳನ್ನ ಅನುಸರಿಸದೆ ಅವರ ಅಂತ್ಯಕ್ರಿಯೆಗೆ ಅವರ ಕುಟುಂಬಸ್ಥರು ನಿರ್ಧರಿಸಿದ್ದಾರೆ. ಸಂಪ್ರದಾಯದ ಕಟ್ಟುಕಟ್ಟಳೆಗಳಿಲ್ಲದೆ ಅಂತ್ಯಸಂಸ್ಕಾರದ ವೇಳೆ ಸರ್ಕಾರಿ ಗೌರವವೂ ಇಲ್ಲದೆ ಬೆಂಗಳೂರಿನ ಬೈಯ್ಯಪ್ಪನಹಳ್ಳಿ ಸಮೀಪ ಕಲ್ಪಳ್ಳಿ ರುದ್ರಭೂಮಿಯಲ್ಲಿ ಇಂದು ಸಂಜೆ 4:30 ಕ್ಕೆ ಶವಸಂಸ್ಕಾರ ಮಾಡಲು ಕುಟುಂಬಸ್ಥರು ನಿರ್ಧರಿಸಿದ್ದಾರೆ.