ಕ್ರಿಕೆಟ್ ವಿಶ್ವಕಪ್ - ಅಭಿನಂದನ್‍ ಹೋಲಿಕೆಯ ಜಾಹೀರಾತು ಮೂಲಕ ವ್ಯಂಗ್ಯವಾಡಿದ ಪಾಕ್

•   Tue, Jun 11 2019 04:28:07 PM



• ನವದೆಹಲಿ, ಜೂ 11 (Daijiworld News/MSP): ಬಾಲಾಕೋಟ್ ವಾಯುದಾಳಿ ನಡೆಸಿ ಉಗ್ರರ ನೆಲೆಗಳನ್ನು ದ್ವಂಸ ಮಾಡಿದ ಬಳಿಕ ಪಾಕ್ ಸೈನಿಕರಿಗೆ ಕೈಯಲ್ಲಿ ಬಂಧಿಯಾಗಿದ್ದ ವಿಂಗ್‍ಕಮಾಂಡ್ ಅಭಿನಂದನ್ ಅವರ ವಿಚಾರವನ್ನು ಹೋಲುವಂತೆ ವ್ಯಂಗ್ಯ ಮಾಡಿ ಪಾಕಿಸ್ತಾನ ಮತ್ತೆ ತನ್ನ ನರಿಬುದ್ದಿ ತೋರಿದ್ದು ಭಾರತದ ಕಾಲೆಳೆದಿದೆ.

  

  ತಾನು ಭಾರತದೊಂದಿಗೆ ಸ್ನೇಹ ಹಸ್ತ ಚಾಚಲು ಸಿದ್ದ ಎಂದು ಮೇಲಿಂದ ಮೇಲೆ ಹೇಳುತ್ತಾ ಬಂದಿರುವ ಪಾಕಿಸ್ತಾನ ತನ್ನ ನರಿ ಬುದ್ದಿಯನ್ನು ಮುಂದುವರಿಸುವುದು ಜಗಜ್ಜಾಹೀರ. ಈಗ ಆನ್‍ಲೈನ್ ಸ್ಟ್ರೀಮಿಂಗ್ ಅಪ್ಲಿಕೇಶನ್ ಜಾಜ್ ಟಿವಿ ಪಾಕಿಸ್ತಾನ ಈ ಬಾರಿ ವಿಶ್ವಕಪ್ ಕುರಿತ ಪಂದ್ಯದ ಜಾಹೀರಾತಿನಲ್ಲಿ ವಿಂಗ್ ಕಮಾಂಡರ್ ಅಭಿನಂದನ್‍ರನ್ನ ಎಳೆದುತಂದಿದೆ. ಜೂನ್ 16 ರಂದು ಭಾರತ ಹಾಗೂ ಪಾಕಿಸ್ತಾನ ನಡುವೆ ಹೈ ವೋಲ್ಟೇಜ್ ಮ್ಯಾಚ್ ನಡೆಯಲಿದ್ದು, ಈ ಪಂದ್ಯಕ್ಕೆ ಈಗಾಗಲೇ ಜಾಹೀರಾತು ನೀಡಲು ಆರಂಭಿಸಿದೆ.

  Jazz TV advt on #CWC19 takes the Indo-Pak air duel to new level. It uses the air duel over Nowshera and Wing Co Abhinandan Varthaman's issue as a prop. @IAF_MCC @thetribunechd @SpokespersonMoD @DefenceMinIndia pic.twitter.com/30v4H6MOpU

  — Ajay Banerjee (@ajaynewsman) June 11, 2019

  ಈ ಜಾಹೀರಾತಿನಲ್ಲಿ ವಿಂಗ್‍ಕಮಾಂಡರ್ ಅಭಿನಂದನ್ ಹೋಲುವಂತೆ ವ್ಯಕ್ತಿಯೋರ್ವನನ್ನು ಚಿತ್ರೀಕರಿಸಿದೆ ಮತ್ತು ಅದೇ ರೀತಿಯ ಸನ್ನಿವೇಶದಂತೆ ಜಾಹೀರಾತು ಕ್ರೀಯೆಟ್ ಮಾಡಿದೆ. ಟೀ ಕುಡಿಯುತ್ತ ಆತ ಅಭಿನಂದನ್ ಅವರು ಹೇಳಿದಂತೆ ಇಲ್ಲೂ ಮಾಹಿತಿ ನೀಡಲು ಹೆದರಿದಂತೆ ನಿರಾಕರಿಸುತ್ತಾರೆ. ಕೊನೆಯದಾಗಿ ಆತನನ್ನು ತೆರಳಲು ಸೂಚಿಸಿ ಟೀ ಕಪ್ (ವಿಶ್ವಕಪ್ ಗೆ ಹೋಲಿಸಿ ) ವಾಪಸ್ ನೀಡುವಂತೆ ಹೇಳಿ ವ್ಯಂಗ್ಯವಾಡಿದೆ.

  ಪಾಕಿಸ್ತಾನ ಮಾಧ್ಯಮದ ಈ ಜಾಹೀರಾತಿಗೆ ವಿರುದ್ದ ಸಾಮಾಜಿಕ ಜಾಲತಾಣದಲ್ಲಿ ಭಾರೀ ಟೀಕೆ ವ್ಯಕ್ತವಾಗುತ್ತಿದ್ದು, ಪಾಕ್‍ಗೆ ಜಾಹೀರಾತಿಗೆ ಭಾರತ ಅಭಿಮಾನಿಗಳು ಸರಿಯಾಗಿ ತಿರುಗೇಟು ನೀಡುತ್ತಿದ್ದಾರೆ. ಜೂನ್ 16 ರಂದು ನಡೆಯಲಿರುವ ಪಾಕಿಸ್ತಾನದ ವಿರುದ್ಧದ ಪಂದ್ಯ ಇಡೀ ವಿಶ್ವದ ಗಮನ ಸೆಳೆದಿದೆ.