ಪುಣ್ಯಸ್ನಾನದ ಬಳಿಕ ಗಂಗಾ ಮಾತೆಗೆ ಪೂಜೆ ನೆರವೇರಿಸಿದ ಪ್ರಧಾನಿ ಮೋದಿ

•   Wed, Feb 05 2025 02:59:54 PM



• ಪ್ರಯಾಗ್ರಾಜ್, ಫೆ.05(DaijiworldNews/TA) : ಪ್ರಧಾನಿ ನರೇಂದ್ರ ಮೋದಿ ಅವರು ಇಂದು (ಫೆಬ್ರವರಿ 5) ಪ್ರಯಾಗ್ರಾಜ್‌ನಲ್ಲಿ ನಡೆಯುತ್ತಿರುವ ಮಹಾಕುಂಭಮೇಳದಲ್ಲಿ ಭಾಗವಹಿಸಿ, ಸಂಗಮ್ ಘಾಟ್‌ನಲ್ಲಿ ಪವಿತ್ರ ಸ್ನಾನ ಮಾಡಿದರು. ಪುಣ್ಯಸ್ನಾನದ ಬಳಿಕ, ಅವರು ಗಂಗಾ ನದಿಗೆ ಆರತಿ ಬೆಳಗಿ, ಪೂಜೆ ಸಲ್ಲಿಸಿದರು.

  

  ಗಂಗಾಜಲ, ಕ್ಷೀರ, ವಸ್ತ್ರ, ಹೂವು ಮತ್ತು ಹಣ್ಣುಗಳನ್ನು ಒಂದಾಗಿ ಗಂಗಾ ನದಿಗೆ ಬಿಡುವ ಮೂಲಕ ಗಂಗಾ ಮಾತೆಗೆ ಪೂಜೆ ಸಲ್ಲಿಸಿದರು. ಪೂಜಾ ವಿಧಿಗಳನ್ನು ಪೂರೈಸಿದರು. ಮಂತ್ರಘೋಷಗಳೊಂದಿಗೆ ಅನೇಕ ಅರ್ಚಕರ ಜೊತೆ ಗಂಗಾರತಿ ನೆರವೇರಿತು.

  ಇತ್ತೀಚೆಗೆ, ಫೆಬ್ರವರಿ 1ರಂದು, 77 ದೇಶಗಳಿಂದ 118 ಸದಸ್ಯರ ನಿಯೋಗವು ಪವಿತ್ರ ಸ್ನಾನದಲ್ಲಿ ಪಾಲ್ಗೊಂಡಿತ್ತು. ಈ ದೇಶಗಳಲ್ಲಿ ರಷ್ಯಾ, ಮಲೇಷ್ಯಾ, ಬೊಲಿವಿಯಾ, ಜಿಂಬಾಬ್ವೆ, ಉಕ್ರೇನ್, ಇಟಲಿ, ಅಮೆರಿಕ, ಸ್ವೀಡನ್, ಇತ್ಯಾದಿ ರಾಷ್ಟ್ರಗಳ ರಾಜತಾಂತ್ರಿಕರು ಮತ್ತು ಅವರ ಕುಟುಂಬಗಳು ಸೇರಿದ್ದರು. ಮಹಾಕುಂಭ ಮೇಳದಲ್ಲಿ ದೇಶ-ವಿದೇಶದ ನೂತನ ಸಂಪರ್ಕಗಳನ್ನು ಹೇರುವ ಮೂಲಕ ಪವಿತ್ರತೆಯ ಹಾಗೂ ಧಾರ್ಮಿಕ ಸಂಪ್ರದಾಯಗಳ ಪ್ರಸಾರಕ್ಕೆ ಉತ್ತೇಜನ ಸಿಕ್ಕಿದಂತಾಗಿದೆ.