ಅಧಿವೇಶನಕ್ಕೆ ಗೈರಾದ ಕಾಂಗ್ರೆಸ್​ ಅಧ್ಯಕ್ಷ ರಾಹುಲ್​ ಗಾಂಧಿ

•   Mon, Jun 17 2019 03:49:43 PM



• ನವದೆಹಲಿ,ಜೂ 17(Daijiworld News/MSP): ನರೇಂದ್ರ ಮೋದಿ ನೇತೃತ್ವದ ಎರಡನೇ ಅವಧಿಯ ನೂತನ ಸರ್ಕಾರದ ಪ್ರಥಮ ಲೋಕಸಭಾ ಅಧಿವೇಶನ ಸೋಮವಾರ ಆರಂಭವಾಗಿದ್ದು, ಆರಂಭವಾಗುತ್ತಿದೆ. ಆದರೆ ಮೊದಲ ಅಧಿವೇಶನಕ್ಕೆ ಕಾಂಗ್ರೆಸ್​ ಅಧ್ಯಕ್ಷ ರಾಹುಲ್​ ಗಾಂಧಿ ಗೈರಾಗಿದ್ದಾರೆ.

  

  ಲೋಕಸಭೆಯ ನೂತನ ಸ್ಪೀಕರ್​ ವೀರೇಂದ್ರ ಕುಮಾರ್​​ ಇಂದು ಹಲವು ಸಂಸದರಿಗೆ ಸಂಸತ್ತಿನಲ್ಲಿ ಪ್ರಮಾಣವಚನ ಬೋಧಿಸಿದರು. ಆದರೆ ಈ ಸಂದರ್ಭ ರಾಹುಲ್ ಅವರ ಗೈರು ಹಾಜರಿ ಎದ್ದು ಕಾಣುತ್ತಿತ್ತು. ನೂತನ ಸಂಸದರಿಗೆ ಸ್ಪೀಕರ್​ ಪ್ರಮಾಣ ವಚನ ಬೋಧಿಸುವ ಸಂದರ್ಭ ರಾಹುಲ್​ಗಾಂಧಿ ಅವರ ಹೆಸರನ್ನು ಕೂಡ ಕರೆಯಲಾಗಿದೆ.ಆದರೆ ರಾಹುಲ್ ಈ ವೇಳೆ ಸದನದಲ್ಲಿ ಹಾಜರಿರಲಿಲ್ಲ.

  ಲಂಡನ್ ಪ್ರವಾಸದಲ್ಲಿರುವ ರಾಹುಲ್ ಅಧಿವೇಶದ ವೇಳೆ ಹಿಂತಿರುಗುತ್ತಾರೆ ಎನ್ನಲಾಗಿತ್ತು. ಇನ್ನು ಸದನಕ್ಕೆ ಗೈರಾಗಿರುವ ಬಗ್ಗೆ ಪಕ್ಷದ ವತಿಯಿಂದ ಯಾವುದೇ ಅಧಿಕೃತ ವಿವರಣೆ ನೀಡಿಲ್ಲ. ಸದನದಲ್ಲಿ ಕಾಂಗ್ರೆಸ್​ ಅಧ್ಯಕ್ಷ ಗೈರು ಹಾಜರಾಗಿರುವ ಬಗ್ಗೆ ಬಿಜೆಪಿ ಪ್ರಶ್ನಿಸಿದೆ. ಸದನಕ್ಕೆ ಹಾಜರಾಗದಿರುವ ರಾಹುಲ್​ ಗಾಂಧಿಗೆ ಪ್ರಜಾಪ್ರಭುತ್ವದ ಬಗ್ಗೆ ಗೌರವವಿದೆಯೇ ಎಂದು ಬಿಜೆಪಿ ಐಟಿ ಘಟಕದ ಮುಖ್ಯಸ್ಥ ಪ್ರಶ್ನಿಸಿದ್ದಾರೆ.