ಮಾಂಸಹಾರ ಊಟ ನೀಡಬೇಕೆಂದು ಆಗ್ರಹಿಸಿ ಕೈದಿಗಳ ಪ್ರತಿಭಟನೆ

•   Mon, Jun 17 2019 06:35:40 PM



• ಬೆಂಗಳೂರು,ಜೂ17(DaijiworldNews/AZM):ತಮಗೆ ಮಾಂಸಹಾರ ಊಟ ನೀಡಬೇಕೆಂದು ಆಗ್ರಹಿಸಿ ಪರಪ್ಪನ ಅಗ್ರಹಾರದ ಕೈದಿಗಳು ಏಕಾಏಕಿ ಇಂದು ಪ್ರತಿಭಟನೆ ಪ್ರಾರಂಭಿಸಿದ್ದಾರೆ.

  

  ಸಾಮಾನ್ಯವಾಗಿ ಪ್ರತಿ ಭಾನುವಾರ ಕೈದಿಗಳಿಗೆ ಮಾಂಸಾಹಾರ ನೀಡುವ ಪ್ರತೀತಿ ಇದೆ. ಆದರೆ ಕೈದಿಗಳ ಆರೋಪದಂತೆ ಕಳೆದ 11 ತಿಂಗಳಿನಿಂದಲೂ ಅವರಿಗೆ ಮಾಂಸಾಹಾರ ನೀಡಿಲ್ಲವಂತೆ ಹಾಗಾಗಿ ಅವರು ಈ ಪ್ರತಿಭಟನೆ ಮಾಡುತ್ತಿದ್ದಾರೆ. ಮೂಲಗಳ ಮಾಹಿತಿ ಪ್ರಕಾರ ಖೈದಿಗಳು ನಾನ್ ವೆಜ್ ಆಹಾರ ಬೇಕೆಂದು ಗಾಂಧಿ ಮಾರ್ಗದಲ್ಲಿ ಪ್ರತಿಭಟನೆ ಮಾಡುತ್ತಿದ್ದಾರೆ ಎನ್ನಲಾಗಿದೆ. ಕೈದಿಗಳು ಅಧಿಕಾರಿಗಳ ವಿರುದ್ಧ ಉಪವಾಸ ಸತ್ಯಾಗ್ರಹ ಮಾಡುತ್ತಿದ್ದಾರೆ.

  ಅಷ್ಟೆ ಅಲ್ಲದೆ, ಜೈಲಿನಲ್ಲಿ ಭ್ರಷ್ಟಾಚಾರವೂ ಇದೆ ಎಂಬುದು ಕೈದಿಗಳ ಆರೋಪವಾಗಿದ್ದು, ಕೆಲವು ಅಧಿಕಾರಿಗಳನ್ನು ಪರಪ್ಪನ ಅಗ್ರಹಾರ ಜೈಲಿನ ಸೇವೆಯಿಂದ ವರ್ಗಾವಣೆ ಮಾಡಬೇಕು ಎಂಬ ಒತ್ತಾಯವನ್ನೂ ಕೈದಿಗಳು ಮಾಡಿದ್ದಾರೆ.