ಮಿದುಳಿನ ಉರಿಯೂತದಿಂದ ಮೃತರ ಸಂಖ್ಯೆ 167ಕ್ಕೇರಿಕೆ

•   Sun, Jun 23 2019 07:11:37 PM



• ಪಟನಾ,ಜೂ23(DaijiworldNews/AZM):ಮಿದುಳಿನ ತೀವ್ರ ಉರಿಯೂತದಿಂದಾಗಿ ಬಿಹಾರದಲ್ಲಿ ಮೃತರ ಸಂಖ್ಯೆ 167ಕ್ಕೇರಿದೆ.

  

  ಈ ತಿಂಗಳ ಮೊದಲ ವಾರದಲ್ಲಿ ಈ ರೋಗ ಕಾಣಿಸಿಕೊಂಡಿದ್ದು, ಮುಜಫ್ಫರಪುರ ಜಿಲ್ಲೆಯಲ್ಲಿ 129 ಮಕ್ಕಳು ಇಲ್ಲಿಯವರೆಗೆ ಪ್ರಾಣ ಕಳೆದುಕೊಂಡಿದ್ದಾರೆ.ಮುಜಫ್ಫರಪುರದ ಶ್ರೀಕೃಷ್ಣ ಮೆಡಿಕಲ್‌ ಕಾಲೇಜು ಹಾಗೂ ಆಸ್ಪತ್ರೆಯಲ್ಲಿ 109 ಮಂದಿ ಸಾವಿಗೀಡಾಗಿದ್ದು, ಕೇಜ್ರಿವಾಲ್ ಆಸ್ಪತ್ರೆಯಲ್ಲಿ 20 ಮಂದಿ ಸಾವಿಗೀಡಾಗಿದ್ದಾರೆ.

  ಮಿದುಳಿನ ತೀವ್ರ ಉರಿಯೂತ(ಎಇಎಸ್‌)ದಿಂದಾಗಿ ಜನರು ಪ್ರಾಣಕಳೆದುಕೊಳ್ಳುತ್ತಿರುವ ಪ್ರಕರಣ ಬಗ್ಗೆ ಕೇಂದ್ರ ಆರೋಗ್ಯ ಸಚಿವ ಹರ್ಷ ವರ್ಧನ್ ಮತ್ತು ಆರೋಗ್ಯ ಇಲಾಖೆಯ ಹಿರಿಯ ಅಧಿಕಾರಿಗಳು ಪರಿಶೀಲನೆ ನಡೆಸಲು ಶನಿವಾರ ತೀರ್ಮಾನಿಸಿದ್ದರು.