ಇನ್ಮುಂದೆ ಅಸಭ್ಯ ರೀತಿಯಲ್ಲಿ ಬಟ್ಟೆ ಧರಿಸಿ ಲಖನೌನಲ್ಲಿರುವ ಐತಿಹಾಸಿಕ ದರ್ಗಾಗಳಿಗೆ ಪ್ರವೇಶ ಮಾಡುವಂತಿಲ್ಲ

•   Sun, Jun 30 2019 12:10:18 PM



• ನವದಹೆಲಿ, ಜೂ30(Daijiworld News/SS): ಲಖನೌನಲ್ಲಿರುವ ಐತಿಹಾಸಿಕ ಇಮಾಂಬಾರ್​ ದರ್ಗಾಗಳಿಗೆ ಭೇಟಿ ನೀಡಬೇಕಾದರೆ ತುಂಡುಡುಗೆಗಳನ್ನು ಧರಿಸಿ ಬರುವಂತಿಲ್ಲ. ಶಿಯಾ ಸಮುದಾಯದವರೊಂದಿಗೆ ಸಭೆ ನಡೆಸಿದ ಬಳಿಕ ಈ ನಿರ್ಧಾರ ಕೈಗೊಳ್ಳಲಾಗಿದೆ.

  

  ಲಖನೌನಲ್ಲಿರುವ ಐತಿಹಾಸಿಕ ದರ್ಗಾಗಳಿಗೆ ಭೇಟಿ ಕೊಡಬೇಕಾದರೆ ಇನ್ನು ಮುಂದೆ ಸಭ್ಯ ಉಡುಗೆ ತೊಟ್ಟು ಹೋಗುವುದು ಕಡ್ಡಾಯವಾಗಿದೆ. ಧಿರಿಸು ಸಭ್ಯವಾಗಿದ್ದರೆ ಮಾತ್ರ ಪ್ರವೇಶಾವಕಾಶ ನೀಡಲಾಗುತ್ತದೆ. ಚಿಕ್ಕ ಸ್ಕರ್ಟ್​ಗಳು, ಮೈ ಕಾಣುವಂತ ಟಾಪ್​ಗಳನ್ನು ಧರಿಸಿ ಬರುವವರಿಗೆ ಇಲ್ಲಿ ಪ್ರವೇಶವಿಲ್ಲ. ಮೈತುಂಬ ಬಟ್ಟೆ ಧರಿಸಿ ಬರಬೇಕು ಎನ್ನಲಾಗಿದೆ.

  ಜೊತೆಗೆ, ಲಖನೌನಲ್ಲಿರುವ ಐತಿಹಾಸಿಕ ದರ್ಗಾಗಳಿಗಳಲ್ಲಿ ವೃತ್ತಿಪರ ವಿಡಿಯೋ ಶೂಟಿಂಗ್​ ಹಾಗೂ ಫೋಟೋಗ್ರಫಿಯನ್ನೂ ನಿಷೇಧಿಸಲಾಗಿದೆ ಎಂದು ಲಖನೌ ಜಿಲ್ಲಾ ಮ್ಯಾಜಿಸ್ಟ್ರೇಟ್​ ಕುಶಾಲ್​ ರಾಜ್​ ಶರ್ಮಾ ತಿಳಿಸಿದ್ದಾರೆ.

  ತುಂಡುಡುಗೆ ಧರಿಸಿ ಬಂದರೂ ಅವರಿಗೆ ದರ್ಗಾಗಳಿಗೆ ಪ್ರವೇಶ ನೀಡುವುದಿಲ್ಲ. ಅಸಭ್ಯ ಬಟ್ಟೆಗಳು ಧಾರ್ಮಿಕ ಭಾವನೆಗೆಗಳಿಗೆ ಧಕ್ಕೆಯನ್ನುಂಟುಮಾಡುತ್ತವೆ. ಇಮಾಂಬಾರ್​ ದರ್ಗಾಗಳು ಶಿಯಾ ಜನಾಂಗದ ಪವಿತ್ರ ಧಾರ್ಮಿಕ ಸ್ಥಳಗಳಾಗಿವೆ. ಅಸಭ್ಯ ನಡವಳಿಕೆಗಳು, ತುಂಡುಡುಗೆಗಳನ್ನು ಧರಿಸಿ ಬರುವವರನ್ನು ನೋಡಿ ಅಸಮಾಧಾನಗೊಳ್ಳುತ್ತಿದ್ದಾರೆ ಎಂದು ಹೇಳಿದ್ದಾರೆ.

  ಈ ನಿರ್ಧಾರ ಕೈಗೊಳ್ಳುವ ಮೊದಲು ಪ್ರಧಾನಿ ನರೇಂದ್ರ ಮೋದಿ, ಉತ್ತರ ಪ್ರದೇಶ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್​ ಮತ್ತು ಭಾರತೀಯ ಪುರಾತತ್ವ ಇಲಾಖೆ ಮತ್ತು ಸ್ಥಳೀಯ ಜಿಲ್ಲಾಡಳಿತಕ್ಕೆ ಪತ್ರ ಬರೆದಿದ್ದರು.