ಬೆಳಗಾವಿ: ಇಬ್ಬರ ರಾಜೀನಾಮೆ ಸರಕಾರದ ಬಗ್ಗೆ ನಿರ್ಣಾಯಕವಲ್ಲ-ಎಂ.ಬಿ. ಪಾಟೀಲ್

•   Mon, Jul 01 2019 10:03:23 PM



• ಬೆಳಗಾವಿ, ಜು 02(Daijiworld News/SM): ರಾಜ್ಯದ ಮೈತ್ರಿ ಸರ್ಕಾರ ಉರುಳಲು ಎರಡಲ್ಲ, 15 ವಿಕೆಟ್ ಬೇಕು. ಆದರೆ ಅಷ್ಟು ಶಾಸಕರು ರಾಜೀನಾಮೆ ನೀಡುವುದಿಲ್ಲ ಎಂದು ಗೃಹ‌ ಸಚಿವ ಎಂ.ಬಿ.ಪಾಟೀಲ್​ ವಿಶ್ವಾಸ ವ್ಯಕ್ತಪಡಿಸಿದರು.

  

  ಬೆಳಗಾವಿಯಲ್ಲಿ ಮಾತನಾಡಿದ ಅವರು, ರಾಜ್ಯ ಸರಕಾರ ಸುಭದ್ರವಾಗಿದೆ. ಮೈತ್ರಿ ಸರ್ಕಾರದ ಇಬ್ಬರು ಶಾಸಕರು ರಾಜೀನಾಮೆ ನೀಡಿದ್ದಾರೆ. ಇದರಿಂದ ಮೈತ್ರಿ ಸರಕಾರದ ಮೇಲೆ ಯಾವುದೇ ಪರಿಣಾಮವಾಗಲ್ಲ. ಸರಕಾರದ ಸುಭದ್ರತೆಯ ಬಗ್ಗೆ ಚರ್ಚೆಯಾಗುತ್ತಿದ್ದು, ರಾಜ್ಯ ಸರಕಾರ ಸುಸ್ಥಿತಿಯಲ್ಲಿದೆ ಎಂದರು. ಮೈತ್ರಿ ಸರಕಾರದ ಇಬ್ಬರು ಶಾಸಕರು ರಾಜೀನಾಮೆ ನೀಡಿದ್ದಾರೆ ಎಂದ ಮಾತ್ರಕ್ಕೆ ಉಳಿದವರಿಂದ ಅದನ್ನು ನಿರೀಕ್ಷಿಸಲು ಸಾಧ್ಯವಿಲ್ಲ ಎಂದರು.

  ಇನ್ನು ಮೈತ್ರಿ ಪಕ್ಷದ ಯಾವ ಶಾಸಕರು ರಾಜೀನಾಮೆ ನೀಡುವುದಿಲ್ಲ. ಸರ್ಕಾರ ಉರುಳುತ್ತದೆ ಎಂಬುವುದು ಬಿಜೆಪಿ ನಾಯಕರ ಭ್ರಮೆಯಾಗಿದೆ. ರಾಜ್ಯದಲ್ಲಿ ಮುಂದೆಯೂ ಉತ್ತಮ ಆಡಳಿತವನ್ನು ನಾವು ಜನತೆಗೆ ನೀಡಲಿದ್ದೇವೆ ಎಂದು ಅವರು ತಿಳಿಸಿದ್ದಾರೆ.