4ನೇ ಬಾರಿಗೆ ಯುಪಿಎಸ್‌ಸಿ ಬರೆದು ಉತ್ತೀರ್ಣರಾದ ಐಎಎಸ್ ಅಧಿಕಾರಿ ಸೌಮ್ಯಾ ಮಿಶ್ರಾ

•   Sun, Nov 16 2025 08:25:46 AM



• ಉತ್ತರಪ್ರದೇಶ, ನ. 16 (DaijiworldNews/AK): ಐಎಎಸ್ ಅಧಿಕಾರಿಯಾಗುವ ಪ್ರಯಾಣ ಎಂದಿಗೂ ಸುಲಭವಲ್ಲ, ಸೌಮ್ಯ ಮಿಶ್ರಾ ಅವರ ಕಥೆ ಪರಿಶ್ರಮ ಮತ್ತು ದೃಢಸಂಕಲ್ಪಕ್ಕೆ ನಿಜವಾದ ಉದಾಹರಣೆಯಾಗಿದೆ. ಎಸ್‌ಡಿಎಂ ಆಗಿ ಕೆಲಸ ಮಾಡುತ್ತಲೇ ತಮ್ಮ 4ನೇ ಪ್ರಯತ್ನದಲ್ಲಿ ಯುಪಿಎಸ್‌ಸಿ ಪರೀಕ್ಷೆಯಲ್ಲಿ ಉತ್ತೀರ್ಣರಾದ ಐಎಎಸ್ ಸೌಮ್ಯಾ ಮಿಶ್ರಾ ಅವರ ಯಶೋಗಾಥೆ ಇದು.

  ಉನ್ನಾವೋದಲ್ಲಿ ಜನಿಸಿದ ಸೌಮ್ಯಾ ಮಿಶ್ರಾ ತಮ್ಮ ಶಾಲಾ ಶಿಕ್ಷಣ ಮತ್ತು ಉನ್ನತ ಶಿಕ್ಷಣವನ್ನು ದೆಹಲಿಯಲ್ಲಿ ಪೂರೈಸಿದರು. ಅವರ ತಂದೆ, ರಾಘವೇಂದ್ರ ಮಿಶ್ರಾ, ದೆಹಲಿ ಸರ್ಕಾರದಲ್ಲಿ ಹಿಂದಿ ಪ್ರಾಧ್ಯಾಪಕರಾಗಿ ಸೇವೆ ಸಲ್ಲಿಸುತ್ತಿದ್ದಾರೆ. ಅವರ ತಾಯಿ ರೇಣು ಮಿಶ್ರಾ ಗೃಹಿಣಿ.

  ಸೌಮ್ಯ ಅವರು ಎಸ್‌ಡಿಎಂ ಆಗಿ ಕರ್ತವ್ಯ ನಿರ್ವಹಿಸುತ್ತಿದ್ದರು. ಈ ವೇಳೆ ಅವರಿಗೆ ಯುಪಿಎಸ್‌ಸಿ ಪರೀಕ್ಷೆ ಬರೆಯುವ ಹಂಬಲವಿತ್ತು. ತಮ್ಮ ಕರ್ತವ್ಯದ ಜೊತೆ ಜೊತೆಗೆ ಯುಪಿಎಸ್‌ಸಿ ಪರೀಕ್ಷೆ ಬರೆಯುವ ನಿರ್ಧಾರ ಮಾಡುತ್ತಾರೆ. ಯುಪಿಎಸ್‌ಸಿಗಾಗಿ ಸಿದ್ಧತೆಯನ್ನು ಮಾಡುತ್ತಾರೆ.

  ಯುಪಿಎಸ್‌ಸಿಯಲ್ಲಿ ಸೌಮ್ಯ ಮಿಶ್ರಾ ಅವರ ಮೊದಲ ಮೂರು ಪ್ರಯತ್ನಗಳಲ್ಲಿ ಉತ್ತೀರ್ಣರಾಗಲು ವಿಫಲರಾಗುತ್ತಾರೆ. ಈ ಹಿನ್ನಡೆಗಳ ಹೊರತಾಗಿಯೂ, ಅವರು ಧೃತಿಗೆಡದೆ ನಾಲ್ಕನೇ ಬಾರಿಗೆ ಯುಪಿಎಸ್‌ಸಿ ಪರೀಕ್ಷೆ ಬರೆಯುತ್ತಾರೆ. ಅಂತಿಮವಾಗಿ, ತಮ್ಮ 4ನೇ ಪ್ರಯತ್ನದಲ್ಲಿ ಅವರು 18ನೇ ಅಖಿಲ ಭಾರತ ರ‍್ಯಾಂಕ್ ಪಡೆದರು. ಈ ಮೂಲಕ ಅವರು ಐಎಎಸ್ ಅಧಿಕಾರಿಯಾಗುವಲ್ಲಿ ಯಶಸ್ವಿಯಾದರು.

  ಸೌಮ್ಯ ಮಿಶ್ರಾ ಅವರು ಪ್ರಸ್ತುತ ಮದಿಯಾನ್‌ನಲ್ಲಿ ಪೋಸ್ಟಿಂಗ್ ದೊರೆತಿದೆ. ಎಸ್‌ಡಿಎಂ ಆಗಿ ಕೆಲಸ ಮಾಡುತ್ತಲೇ ಸೌಮ್ಯಾ ಮಿಶ್ರಾ ತಮ್ಮ 4ನೇ ಪ್ರಯತ್ನದಲ್ಲಿ ಯುಪಿಎಸ್‌ಸಿ ಪರೀಕ್ಷೆಯಲ್ಲಿ ಉತ್ತೀರ್ಣರಾಗುತ್ತಾರೆ. ಈ ಮೂಲಕ ಅನೇಕ ಯುಪಿಎಸ್‌ಸಿ ಅಭ್ಯರ್ಥಿಗಳಿಗೆ ಮಾದರಿಯಾಗಿದ್ದಾರೆ.