ರಾಜಕೀಯ ಹೈಡ್ರಾಮ - ಡಿಕೆಶಿ ರೂಂ ಬುಕ್ಕಿಂಗ್ ಕ್ಯಾನ್ಸಲ್ - ಅತೃಪ್ತರು ಬೇರೆಡೆ ಶಿಫ್ಟ್

•   Wed, Jul 10 2019 11:26:55 AM



• ಮುಂಬೈ,ಜು 10 (Daijiworld News/MSP): ರಾಜ್ಯ ರಾಜಕಾರಣದ ಹೈಡ್ರಾಮ ಯಾಕೋ ದಿನದಿಂದ ದಿನಕ್ಕೆ ಒಂದೊಂದೆ ತಿರುವು ಪಡೆಯುತ್ತಿದ್ದು, ಅತೃಪ್ತರ ಮನವೊಲಿಕೆಗೆ ಮುಂಬೈಗೆ ಬಂದಿದ್ದ ಶಿವಕುಮಾರ್ ಅವರನ್ನು ಹೋಟೆಲ್ ಒಳಗೆ ಬಿಡಲು ಅಲ್ಲಿನ ಪೊಲೀಸರು ನಿರಾಕರಿಸಿದ್ದಾರೆ. ಈ ಬೆಳವಣಿಗೆಗಳ ನಡುವೆ ರಿನೈಸಾನ್ಸ್​ ಹೋಟೆಲ್​​ನಲ್ಲಿದ್ದ ತಂಗಿದ್ದ ಅತೃಪ್ತ ಶಾಸಕರು ಹಿಂಬಾಗಿಲ ಮೂಲಕ ಬೇರೆಡೆ ಶಿಫ್ಟ್ ಆಗಿದ್ದಾರೆ ಎಂದು ತಿಳಿದುಬಂದಿದೆ.

  

  ಅವರು ಈ ಹಿಂದೆ ವಾಸ್ತವ್ಯ ಹೂಡಿದ್ದ ಸೋಫಿಟೆಲ್​ ಹೋಟೆಲ್​ ಅಥವಾ ತಾಜ್​ ಹೋಟೆಲ್​​ಗೆ ಸ್ಥಳಾಂತರವಾಗಿರಬಹುದು ಎಂದು ವರದಿಯಾಗಿದೆ. ಡಿಕೆ ಶಿವಕುಮಾರ್​ ಹಾಗೂ ಉಳಿದ ಕಾಂಗ್ರೆಸ್ ನಾಯಕರು ಮನವೊಲಿಕೆ ಮುಂಬೈ ಗೆ ಬರುವ ನಿರೀಕ್ಷೆ ಇದ್ದ ಬೆನ್ನಲ್ಲೇ ಅತೃಪ್ತ ಶಾಸಕರು ಮುಂಬೈ ಕಮಿಷನರ್​ಗೆ ಭದ್ರತೆ ನೀಡುವಂತೆ ಕೋರಿ ಪತ್ರ ಬರೆದು ಚಾಣಕ್ಯ ನೀತಿ ಅನುಸರಿಸಿದ್ದರು.

  ಇನ್ನು ಭೇಟಿಗೆ ತೆರಳಿದ ಡಿಕೆ ಶಿವಕುಮಾರ್​ ಅವರನ್ನು ಅಲ್ಲಿನ ಪೊಲೀಸರು ತಡೆದು ಯಾರ ಹೆಸರಿನಲ್ಲಿ ರೂಂ ಬುಕ್ ಮಾಡಿದ್ರೆ ಅವರಿಗೆ ಮಾತ್ರ ಒಳಪ್ರವೇಶಿಸಲು ಅನುಮತಿ ನೀಡುವುದಾಗಿ ತಿಳಿಸಿದ್ದಾರೆ. ಆದರೆ ರಾಜಕೀಯ ಲೆಕ್ಕಚಾರ ಹಾಕಿ ರಿನೈಸಾನ್ಸ್​ ಹೋಟೆಲ್‌ನಲ್ಲಿ ಡಿ ಕೆ ಶಿವಕುಮಾರ್ ಡಿಲಕ್ಸ್ ಲೇಕ್ ವೀವ್ ರೂಮ್ ಬುಕ್ ರೂಂ ಬುಕ್ ಮಾಡಿದ್ದರೂ ಕೂಡಾ ತುರ್ತುಸ್ಥಿತಿ ಕಾರಣ ನೀಡಿ ಹೋಟೆಲ್‌ ಬುಕ್ಕಿಂಗ್ ಕ್ಯಾನ್ಸಲ್ ಮಾಡಿದೆ ಎಂದು ತಿಳಿದುಬಂದಿದೆ.