ಕಾಂಗ್ರೆಸ್ ಸಂಸದ ಶಶಿ ತರೂರ್ ರಾಷ್ಟ್ರಧ್ವಜಕ್ಕೆ ಅಗೌರವ

•   Sat, Jul 20 2019 11:55:07 AM



• ನವದೆಹಲಿ, ಜು 20(Daijiworld News/RD) : ಹೊಸ ಹೊಸ ವಿವಾದದ ಮೂಲಕ ಸುದ್ದಿಯಾಗುವ ಕಾಂಗ್ರೆಸ್​ ಸಂಸದ ಶಶಿ ತರೂರ್ , ತಮ್ಮ ಟ್ವಿಟ್ಟರ್ ನಲ್ಲಿ ರಾಷ್ಟ್ರಧ್ವಜದ ತಲೆಕೆಳಗಾದ ಫೋಟೋ ಪೋಸ್ಟ್ ಮಾಡಿ ರಾಷ್ಟ್ರಧ್ವಜಕ್ಕೆ ಅಗೌರವ ತೋರಿದ್ದಾರೆ ಎಂದು ಟ್ವೀಟಿಗರ ಛೀಮಾರಿಗೆ ಗುರಿಯಾಗಿದ್ದಾರೆ.

  
  

  
  ಶಶಿ ತರೂರ್​, 30 ವರ್ಷ ಹಳೆಯ ಪ್ರಕರಣವೊಂದರಲ್ಲಿ ಶಿಕ್ಷೆಗೆ ಗುರಿಯಾಗಿದ್ದ ಗುಜರಾತ್​ನ ಮಾಜಿ ಐಪಿಎಸ್​ ಅಧಿಕಾರಿ ಸಂಜೀವ್​ ಭಟ್​ ಅವರ ಸಂಬಂಧಿಕರು . ಹಾಗಾಗಿ ಅವರು ನಿನ್ನೆ ಮಾಜಿ ಐಪಿಎಸ್​ ಅಧಿಕಾರಿ ಸಂಜೀವ್​ ಭಟ್ ಪತ್ನಿ ಶ್ವೇತಾ ಭಟ್​ ಹಾಗೂ ಅವರ ಪುತ್ರ ಶಾಂತನೂ ಅವರನ್ನು ಭೇಟಿಯಾಗಿದ್ದರು. ಶಿಕ್ಷೆಗೆ ಗುರಿಯಾಗಿದ್ದ ಐಪಿಎಸ್​ ಅಧಿಕಾರಿಗೆ ನ್ಯಾಯ ಸಿಗಲೇ ಬೇಕು ಎಂದು ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಬರೆದಿದ್ದರು. ಅವರನ್ನು ಭೇಟಿ ಮಾಡಿದ ಸಂದರ್ಭದಲ್ಲಿ ಪೋಟೋ ತೆಗೆಸಿಕೊಂಡ ತರೂರ್ ಫೋಟೋವನ್ನು ಟ್ವಿಟರ್​ ಖಾತೆಯಲ್ಲಿ ಹಂಚಿದ್ದಾರೆ.
  ಆದರೆ ಶಶಿ ತರೂರ್ ತಾನು ಪೋಸ್ಟ್ ಮಾಡಿದ ಚಿತ್ರದಲ್ಲಿ , ಅವರ ಕಚೇರಿಯ ಟೇಬಲ್​ ಮೇಲೆ ಇರಿಸಿದ್ದ ರಾಷ್ಟ್ರಧ್ವಜ ತಲೆಕೆಳಗಾಗಿರುವುದು ಗೋಚರಿಸಿದೆ. ಹಸಿರು ಬಣ್ಣ ಮೇಲ್ಭಾಗದಲ್ಲಿ ಬರುವಂತೆ ರಾಷ್ಟ್ರ ಧ್ವಜ ಇರಿಸಲಾಗಿದೆ. ಎಂದು ನೆಟ್ಟಿಗರು ಈ ಟ್ವಿಟ್ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ರಾಷ್ಟ್ರಧ್ವಜಕ್ಕೆ ಗೌರವ ಕೊಡುವುದನ್ನು ತಮ್ಮಲ್ಲಿ ಮೊದಲು ರೂಡಿಸಿಕೊಳ್ಳಿ ಎಂದು ಸಾಮಾಜಿಕ ಜಾಲಾತಾಣದಲ್ಲಿ ತರೂರ್ ಮೇಲೆ ರೀ ಟ್ವೀಟ್ ಮಾಡುವ ಮೂಲಕ ಕಾಲೆಳೆದಿದ್ದಾರೆ.
  

  Had a moving meeting yesterday with courageous ShwetaBhatt & her brave son Shantanu to discuss the prolonged detention of her husband ⁦@sanjivbhatt⁩. Justice must be done! pic.twitter.com/8BHUBRpzEa

  — Shashi Tharoor (@ShashiTharoor) July 19, 2019