ಪಶ್ಚಿಮ ಏಷ್ಯಾದಲ್ಲಿ ಸಂಘರ್ಷ ತೀವ್ರ ಹಿನ್ನೆಲೆ- 357 ವಿಮಾನಗಳ ಕಾರ್ಯಾಚರಣೆ ರದ್ದು

•   Tue, Mar 03 2026 05:52:08 PM



• ನವದೆಹಲಿ, ಮಾ. 03 (DaijiworldNews/AA): ಪಶ್ಚಿಮ ಏಷ್ಯಾದಲ್ಲಿ ಸಂಘರ್ಷ ತೀವ್ರಗೊಳ್ಳುತ್ತಿರುವ ಹಿನ್ನೆಲೆಯಲ್ಲಿ ಇಂದು ಉದ್ದೇಶಿಸಿದ್ದ 357 ವಿಮಾನಗಳ ಕಾರ್ಯಾಚರಣೆಯನ್ನು ರದ್ದುಗೊಳಿಸಲಾಗಿದೆ.

  ಈ ಬಗ್ಗೆ ಪೋಸ್ಟ್ ಮಾಡಿರುವ ನಾಗರಿಕ ವಿಮಾನಯಾನ ಸಚಿವಾಲಯ, ಪ್ರಯಾಣಿಕರಿಗೆ ಅನುಕೂಲ ಒದಗಿಸಿಕೊಡಲು ಪರಿಸ್ಥಿತಿಯ ಬಗ್ಗೆ ತೀವ್ರ ನಿಗಾ ಇರಿಸಲಾಗಿದೆ. ಆದರೆ, ಸದ್ಯ ಪರಿಸ್ಥಿತಿ ಸ್ವಲ್ಪ ಗಂಭೀರವಾಗಿದೆ. ಪ್ರಯಾಣಿಕರ ನೆರವಿನ ಕಂಟ್ರೋಲ್ ರೂಮ್ ಮೂಲಕ ಪ್ರಯಾಣಿಕರ ಕುಂದು ಕೊರತೆಗಳನ್ನು ನಿವಾರಿಸಲಾಗುತ್ತಿದೆ ಎಂದು ಮಾಹಿತಿ ನೀಡಿದೆ.

  ಈವರೆಗೆ ಏರ್ ಸೇವಾ ವೇದಿಕೆ ಮೂಲಕ 559 ಪ್ರಯಾಣಿಕರ ಕುಂದು ಕೊರತೆ ನಿವಾರಿಸಲಾಗಿದೆ. ಅವರೊಂದಿಗೆ ವೈಮಾನಿಕ ಸಂಸ್ಥೆಗಳು ನಿಕಟ ಸಮನ್ವಯದಲ್ಲಿವೆ. ಸದ್ಯ ರೈಲುಗಳ ಸಂಚಾರವನ್ನು ರದ್ದುಗೊಳಿಸಲಾಗಿದ್ದು, ಅವುಗಳ ಪುನರಾರಂಭ ಮತ್ತು ಹಾರಾಟದ ಬಗ್ಗೆ ಪ್ರಯಾಣಿಕರಿಗೆ ವಿವರಗಳನ್ನು ಒದಗಿಸಲಾಗುವುದು ಎಂದು ತಿಳಿಸಿದೆ.

  ಪ್ರಯಾಣಿಕರು ಸಚಿವಾಲಯದಿಂದ ಯಾವುದೇ ಮಾಹಿತಿ ಬೇಕಾದರೂ ಸಹಾಯವಾಣಿ ಸಂಖ್ಯೆ 011 – 2460 4283 ಅಥವಾ 011 – 2463 2987 ಸಂಪರ್ಕಿಸಬಹುದಾಗಿದೆ.