ಸಿದ್ದಾರ್ಥ ಸಮಾಧಿ ಸ್ಥಳಕ್ಕೆ ತೆರಳಿ ಕುಟುಂಬಸ್ಥರು ಪೂಜೆ ಸಲ್ಲಿಸಿದರು

•   Sat, Aug 03 2019 02:47:55 PM



• ಚಿಕ್ಕಮಗಳೂರು, ಆ3(Daijiworld News/RD): ಕಾಫಿ ಡೇ ಸಂಸ್ಥಾಪಕ ವಿ.ಜಿ.ಸಿದ್ಧಾರ್ಥ ಅಗಲಿ ಇಂದಿಗೆ ಐದು ದಿನಗಳಾಗಿದ್ದು, ಹಿಂದೂ ಸಂಪ್ರದಾಯದಂತೆ ಅಂತ್ಯಸಂಸ್ಕಾರ ಕ್ರಿಯೆ ನಡೆದಿದ್ದು, ಅವರ ಆತ್ಮಕ್ಕೆ ಶಾಂತಿ ಸಿಗಲಿ ಎಂದು  ಸಮಾಧಿಯ ಸ್ಥಳಕ್ಕೆ ತೆರಳಿ ಇಂದು ಕುಟುಂಬಸ್ಥರು ಪೂಜೆ ಸಲ್ಲಿಸಿದ್ದಾರೆ.

  

  ಮೂಡಿಗೆರೆ ತಾಲೂಕಿನ ಚೇತನಹಳ್ಳಿ ಎಸ್ಟೇಟ್‌ನಲ್ಲಿ ಸಿದ್ಧಾರ್ಥ ಸಮಾಧಿಯ ಸ್ಥಳವಿದ್ದು, ತಾಯಿ, ಪತ್ನಿ, ಮಕ್ಕಳು ಹಾಗೂ  ಸಂಬಂಧಿಕರೆಲ್ಲ ಸೇರಿ ಪೂಜೆ ಸಲ್ಲಿಸಿದರು.

  ಕಾಫಿಯ ಆಸ್ವಾದವನ್ನು ಇಡೀ ಜಗತ್ತಿಗೆ ಪಸರಿಸಿ, ಅನೇಕರಿಗೆ ಉದ್ಯೋಗ ಸೃಷ್ಠಿಸಿ, ಬದುಕಿಗೆ ದಾರಿ ಮಾಡಿಕೊಟ್ಟ ಕಾಫಿ ಡೇ ಮಾಲೀಕ ವಿ.ಜಿ. ಸಿದ್ಧಾರ್ಥ ನಿಧಾನದ ಸುದ್ದಿ ಎಲ್ಲರ ಮನಕಲುವಂತಾಗಿದ್ದು,  ಗಣ್ಯರು ಸಂತಾಪ ಸೂಚಿಸಿದ್ದರು.ಇದೀಗ ಮರಣೋತ್ತರ ಪರೀಕ್ಷೆಯ ಪ್ರಾಥಮಿಕ ವರದಿ ಬಂದಿದ್ದು ನೇತ್ರಾವತಿ ನದಿಯಲ್ಲಿ ಉಸಿರುಗಟ್ಟಿ ಮೃತಪಟ್ಟಿದ್ದಾರೆ ಎಂದು ಹೇಳಲಾಗಿದೆ. ಈ ಬಗ್ಗೆ ಮಂಗಳೂರಿನ ವೆನ್ಲಾಕ್ ಆಸ್ಪತ್ರೆ ಅಧೀಕ್ಷಕರು ಶುಕ್ರವಾರ ವರದಿಯನ್ನು ತನಿಖಾಧಿಕಾರಿಗೆ ನೀಡಿದರು.